| e-texts navigator |
| Wylie |
377a1 དུ་ཐིམ་ནས་ཀྱང་།། ལྕགས་ཀྱི་སྡིག་པ་མགོ་དགུ་པའི།། ཁྲོ་བོ་རཀྵ་ཞེས་བྱ་བའི།། ཁྲག་འཐུང་ཆེན་པོར་གྱུར་ནས་ནི།། སྙིང་ཁྲག་བཞིབས་ཏེ་འཐུངས་ནས་ནི།། སྡུག་བསྔལ་ཆེན་པོར་བསད་ནས
377a2 ཀྱང་།། དམྱར་བ་རྡོ་རྗེར་དེ་ལྟུང་འགྱུར།། གལ་ཏེ་ཐ་ཚིག་མ་ཉམས་ལ།། ལྕེ་ལ་བཞག་པ་ཨརྒྷ་སྟེ།། སྙིང་གི་དཀྱིལ་དུ་ཐིམ་ནས་ཀྱང་།། ཡེ་ཤེས་སེམས་དཔའ་ཚོན་གང་བར།། གྱུར་ཏེ་སྒྲིབ་པ་ཀུན་སྦྱངས
377a3 ནས།། སངས་རྒྱས་སྲས་སུ་སྐྱེད་པར་བྱེད།། འདོད་ཆགས་དམ་ཚིག་ཉམས་གྱུར་ན།། མངལ་གྱི་གྲོང་ཁྱེར་ཆེན་པོར་འགྲོ།། ཞེས་སྡང་དམ་ཚིག་ཉམས་གྱུར་ན།། རཀྵ་སྲིན་པོའི་རིགས་སུ་འགྲོ།། གཏི་མུག་དམ་ཚིག
377a4 ཉམས་གྱུར་ན།། མི་གཙང་ཟས་སུ་ཟ་བ་ཡི།། རྨོངས་པའི་ཕག་ཆེན་ལུས་སུ་ལྟུང་།། ང་རྒྱལ་དམ་ཚིག་ཉམས་གྱུར་ན།། རུས་སྦས་ནག་པོའི་ལུས་སུ་ལྷུང་།། ཕྲག་དོག་དམ་ཚིག་ཉམས་གྱུར་ན།། ཆུ་སྲིན་མགོ་དགུའི་ལུས
377a5 སུ་ལྟུང་།། དམ་ཚིག་ཆེན་པོ་ཀུན་ཉམས་ན།། རུ་དྲ་ནག་པོའི་ལུས་སུ་ལྟུང་།། ལས་ཀྱི་རྐྱེན་དང་མ་ཕྲད་ན།། ཐར་པའི་སྐབས་ནི་མི་སྲིད་དོ།། སེམས་དཔའི་རྡོ་རྗེས་དེ་སྐད་ཅེས་གསུངས་སོ།། ཉོན་མོངས་པ་ལྔའི་བདག
377a6 པོ་རིག་འཛིན་རྣམས་ཀྱིས་ཤིན་ཏུ་ཆོ་དེ་ཆེན་པོ་འབྱིན་ཅིང་དུས་དེར་ཨེ་མའོ་བཅོམ་ལྡན་འདས་བཅོམ་ལྡན་འདས་ཀྱིས་གསུངས་པ་ལྟར་ན་བདག་ལ་ལྷུང་རྒྱུ་མཆིས་ཏེ། དང་པོ་བཅོམ་ལྡན་འདས་ཀྱི་བཀའ་ལ
iiif viewer powered by OpenSeadragon
