| e-texts navigator |
| Wylie |
376b1 ཆུད་རྟགས་ཡིན་ནོ།། དེས་ན་རྣམ་འབྱོར་ལས་ཀྱི་གཙོར།། སྦྱོང་དང་སྐོང་བའི་ལས་རྣམས་བྱ།། བཅོམ་ལྡན་འདས་སེམས་དཔའི་རྡོ་རྗེས་དེ་སྐད་ཅེས་གསུངས་པ་དང་། འཁོར་དེར་འདུས་པར་གྱུར་པའི་བདུད་ཀྱི་སྡེ
376b2 པ་ལས་ལྷའི་རིགས་སུ་གྱུར་པ་སངས་རྒྱས་ཀྱི་འཁོར་འཕགས་པའི་རིགས་འཛིན་པ་ཉོན་མོངས་པའི་ལྔའི་བདག་པོ་ལྷ་ཆེན་པོ་ལྔ་ལ་སོགས་པ་བཀའི་སྣོད་དུ་རུང་བར་བྱིན་གྱིས་བརླབས་ཏེ་འཁོད་པ་ལས། འདོད
376b3 ཆགས་ཐམས་ཅད་ཀྱི་གཙོ་བོ་རྡོ་རྗེ་བྲམ་ཟེ་ཐོད་པ་ཅན་ཞེས་བྱ་བ་ལ་སོགས་པས་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱི་བཀའ་ལྟར་མ་བགྱིས་ན་མ་དད་མ་མགུས་འགལ་འཁྲུལ་དུ་གྱུར་པའི་ཆད་པའི་སྐྱེས
376b4 གནས་དང་རྣམ་པར་སྨིན་པ་ཇི་ལྟར་འགྱུར། བདག་ཅག་རྣམས་ལ་རྒྱ་ཆེར་བཤད་དུ་གསོལ་ཞེས་ཞུས་པ་ལས། བཅོམ་ལྡན་འདས་སེམས་དཔའི་རྡོ་རྗེས་བཀའ་སྩལ་པ། འདོད་ཆགས་ཀྱི་བདག་པོ་ལ་སོགས་པ་རྣམས
376b5 དམ་ཚིག་ཉམས་པའི་ཆད་པའི་སྐྱེ་གནས་འདྲི་བ་ལེགས་ཀྱིས་ཡིད་ཚིམ་པར་བྱེད་པ་བཤད་ཀྱིས་ཉོན་ཅིག་རྩ་བ་ཡན་ལག་འདི་དག་ལས།། གལ་ཏེ་ཞིག་གམ་ཉམས་གྱུར་ན།། རྣལ་འབྱོར་ལས་ཀྱི་དང་པོ་ལས།། ལུང
376b6 གི་གསང་སྒོར་ཞུགས་པའི་ཚེ།། དོན་དང་ལྡན་པའི་བླ་མ་ཡིས།། རྡོ་རྗེ་ཐ་ཚིག་བྱིན་བརླབས་ནས།། ལྕེ་ལ་དམ་ཚིག་ཆུ་བཞག་པ།། དམྱལ་བ་རྡོ་རྗེར་དམོད་བཙུགས་ནས།། ཡི་གེ་ཧཱུཾ་དུ་བྱས་པ་དེ།། སྙིང་གི་དཀྱིལ
iiif viewer powered by OpenSeadragon
