| e-texts navigator |
| Wylie |
374b1 སུ།། ཆེ་བའི་ཡེ་ཤེས་མཉམ་འབར་བས།། གཉེན་པོས་འཇོམས་པའི་ཐབས་ཆེན་ལས།། བསྐང་ངོ་བསྐལ་པའི་ཐུགས་དམ་བསྐང་།། གསང་བ་དོན་གྱི་རྫས་མཆོག་འདིས།། སྐུ་མཆོག་བསྐལ་པའི་ཐུགས་དམ་བསྐང་།།
374b2 སྐོངས་གྱུར་བསམ་པའི་དོན་དུ་སྦྱང་།། ཨོཾ་སརྦ་ཏ་ཐཱ་ག་ཏ་རཏྣ་ས་མ་ཡ་ཧོ།། དེ་སྐད་ཚིག་ཏུ་བརྗོད་ནས་ཀྱང་།། འཕྲལ་བ་བརྡ་ཡི་ཚུལ་ཕྱག་སྦྱར།། འདོད་ཆགས་རིགས་ཀྱི་དམ་ཚིག་ལས།། རྟོགས་ནས་སྤྱད་པར་བྱ་རྒུ
374b3 ལས།། འདོད་ལོག་རྒྱ་མཚོ་མ་ངོམས་ཏེ།། ཐ་ཚིག་དྲག་པོ་ཡལ་འགྱུར་ནས།། ཕོ་བྲང་པདྨའི་ལིངྒའི་དཀྱིལ།། པདྨོ་འབར་བའི་དབུས་གནས་པར།། ཨོཾ་གྱི་རང་བཞིན་འོད་གསལ་འབར།། གསལ་འཕྲོ་འཁྲུག་པར
374b4 གྱུར་པ་ན།། ཕཊ་ཀྱིས་དྲག་ཏུ་བརྡབས་པ་ལས།། འོད་འདྲིལ་པདྨའོ་མཚོན་ཆ་ལས།། འདོད་ཆགས་རྒྱ་མཚོ་བསྐམས་གྱུར་ནས།། པདྨ་ཆོས་ཀྱི་ཡེ་ཤེས་འབར།། དེ་ལྟར་གསལ་བར་གྱུར་པ་ན།། རྣལ་འབྱོར་ཅན་གྱིས
374b5 ཚིག་འདི་བརྗོད།། ཨེ་མའི་པདྨོའི་ཐ་ཚིག་ལས།། པདྨའི་ཡེ་ཤེས་འོད་འབར་བས།། དོན་དུ་མི་གཏོང་གཞི་བསྐྱེད་དེ།། གསུང་མཆོག་གདུང་ཆེན་རྒྱུད་མཉམ་ནས།། ཇི་ལྟར་པད་སྟོང་ཚེར་མ་ལྟར།། རྒྱུ་ལས་གྱུར་པའི
374b6 རང་བཞིན་གྱིས།། པདྨོའི་ཡེ་ཤེས་ནུབ་མ་ཁད།། འདུ་ཤེས་ཕུང་པོའི་ཞིང་ཁམས་སུ།། རྟོགས་པའི་ཆོས་ཉིད་འོད་འཕྲོས་པས།། གཉེན་པོས་འཇོམས་པའི་ཐབས་ཆེན་ལས།། བསྐང་ངོ་བསྐལ་པའི་ཐུགས་དམ
iiif viewer powered by OpenSeadragon
