| e-texts navigator |
| Wylie |
372b1 ཡི་རྩལ་ཅན་ཀུན་བསྡུས་ཏེ།། དམ་ཆོས་བདུད་རྩི་བསྟན་པར་བསྒྲགས།། གལ་ཏེ་ཞར་གྱིས་ཉམས་གྱུར་ན།། བསྟན་པའི་གླེགས་བམ་རྒྱ་ཆེན་རྣམས།། བྲིས་ནས་ཆོས་ཀྱི་སྦྱིན་པར་བྱ། དེས་ནི་ཞར་ཉམས་སྐོངས་པར
372b2 འགྱུར།། ཏིང་འཛིན་རྩལ་གྱི་ཐབས་མཆོག་ནི།། བག་ཆགས་ཅན་གྱི་སྤྱི་གཙུག་ཏུ།། རྩ་དམར་འོད་ནི་མེ་ལོང་ཙམ།། ཤིན་ཏུ་འབར་ཞིང་འཆར་གསལ་བས།། ཆགས་དང་བཅས་པའི་ཕུང་པོ་བསྲེགས།། རྣམ་གྲོལ
372b3 སེམས་ཀྱི་རང་བཞིན་དང་།། འོད་ཀྱི་རང་བཞིན་གཅིག་པ་ལས།། དཀར་དང་དམར་དང་མཐིང་ག་ཡི།། འོད་ཀྱི་ཐིག་ལེ་གསུམ་དུ་འགྱུར།། དཀར་པོར་སྤྲོས་པས་ཁྱབ་པ་ཆེ།། དམར་པོར་སྤྲོས་པས་ཆགས་པ
372b4 ཆེ།། མཐིང་ག་ཐུགས་ཀྱི་ས་བོན་ཏེ།། རྣམ་གསུམ་གཅིག་ཏུ་འདུས་པ་ལས།། ངག་ཡིད་གསུམ་གྱི་བག་ཆགས་བསྲེགས།། སྐུ་གསུང་ཐུགས་ཀྱི་དམ་ཚིག་སྐོངས།། དཀར་པོ་རླུང་ཟླའི་དཀྱིལ་འཁོར་ལ།། དམར་པོ
372b5 འབུད་པའི་རླུང་བྱུང་བས།། མཚན་མའི་བག་ཆགས་རྣམ་པར་གཏོར།། དམར་པོ་ཆུ་ཟླའི་དཀྱིལ་འཁོར་ལས།། མཐོང་ག་ཡེ་ཤེས་ཆུ་བྱུང་བས།། དངོས་པོའི་ལྡན་ལྗིན་ཐམས་ཅད་བཀྲུས།། དེ་ལྟར་གསལ་བར་གྱུར་པ
372b6 དང་།། རྣལ་འབྱོར་ཅན་གྱིས་ཚིག་འདི་བརྗོད།། རྫས་བསྲེག་པ་ལ་མེ་དགོས་ཀྱང་མ།། བག་ཆགས་ཚིག་ལ་མེ་མི་དགོས།། རིག་པ་ཡེ་ཤེས་མེ་བྱུང་བས།། མཚན་མ་ཡི་ནི་བུད་ཤིང་བསྲེགས།། འཇིག་རྟེན་གཏོར་ལ
iiif viewer powered by OpenSeadragon
