| e-texts navigator |
| Wylie |
372a1 ཆགས་རིགས་ཀྱི་ཐ་ཚིག་བསྐང་།། གདོལ་རིགས་བླ་མ་སྤྱན་དྲངས་ལ།། ཉེས་བྱས་མི་བཅབ་བརྒྱར་བཤགས་བྱ།། བྱི་རུ་ལ་སོགས་རྫས་ཆེན་གྱིས།། ཐ་ཚིག་གང་བརླག་ནོར་དེས་བླ།། བཤད་བྱ་ཟབ
372a2 མོའི་གླེགས་བམ་བརྗོད།། ལས་ཀྱི་ཐ་ཚིག་རལ་གྱུར་ན།། ཕྲ་དོག་རིགས་ཀྱི་ཐ་ཚིག་བསྐང་།། བྲམ་ཟེ་རིགས་བཤེས་སྤྱན་དྲངས་ལ།། ཉེས་བྱས་མི་བཅབ་བཅུ་ལྔར་བཤགས།། ཨིནྡྲ་ལ་སོགས་རྫས་རྣམས་ཀྱིས།། ཐ
372a3 ཚིག་གང་བརླག་ནོར་དེས་བླུ།། མཆོད་སྦྱིན་བསོད་ནམས་ལས་ཆེན་བྱ།། དེས་ནི་བསྐང་བའི་ལས་ཆེན་འགྲུབ།། དོན་གྱིས་བསྐང་བའི་ཐབས་མཆོག་ཀྱང་།། རྣམ་ལྔའི་ཚུལ་དུ་བཤད་པར་བྱ།། ཆོས་ཀུན་ནམ་མཁར
372a4 བསྒོམས་ནས་ཀྱང་།། བག་ཆགས་བཟང་ངན་ཐམས་ཅད་ཀུན།། ཅི་ཡང་མེད་པར་བློ་ལ་བཞག། དེ་ལ་གོམས་བྱས་ཉེས་པ་མེད།། ཀུན་ལ་མཁས་པའི་བླ་མ་ལ།། རྒྱ་ཆེ་ཡངས་པའི་ཆོས་མཉན་ཏེ།། བསམ་པའི་ལས
372a5 རྣམས་རྒྱ་ཆེར་བྱ།། ཡིད་ཀྱིས་དམིགས་པའི་ལས་དག་ན།། རྩ་བ་ཉམས་པ་སྐོང་བར་འགྱུར།། གལ་ཏེ་ཡན་ལག་ཉམས་གྱུར་ན།། ཆོས་ཉིད་ནམ་མཁའི་དོན་སྟོན་པའི།། གླེགས་བམ་ཟབ་མོ་ཀུན་བརྟགས་ཏེ།། དོན
372a6 རྣམས་རྒྱ་ཆེར་བརྟག་པར་བྱ།། དེ་ནི་ཡན་ལག་ཉམས་པ་མེད།། བཟླས་ན་ཐ་ཚིག་ཉམས་གྱུར་ན།། བླ་མ་སྐྱེས་བུ་མཁས་པ་ལ།། གཞུང་ཆེན་ཚུགས་པའི་བསྟན་པ་ཞིག། སྟོན་པའི་ཡོན་བདག་གཉེར་བླངས་ཏེ།། བློ
iiif viewer powered by OpenSeadragon
