| e-texts navigator |
| Wylie |
370a1 དུ།། དོར་ཏེ་ཆགས་མེད་སྦྱིན་པར་བྱ།། དགེ་བའི་ཡོན་བདག་དང་བླངས་ཏེ།། ནད་གསོ་ཤེས་སློབ་སྤྱོད་སྒོམ་གྲ།། གཙུགས་ཏེ་བསྟི་གནས་མཆོག་བྱ་ཞིང་།། དུས་ཀྱི་འཁོར་ལོའི་མཆོད་ཆེན་བྱ།། གསུང
370a2 སྒྲ་རྒྱ་མཚོ་སྒྲོགས་པ་ཡི།། གླེགས་བམ་ཟབ་མོ་ཀུན་བསྟེན་ཏེ།། བརྗོད་དང་བསྙེན་བཀུར་བསྟི་གནས་ཀྱིས།། རྒྱ་ཆེན་ཡངས་པའི་ལས་རྣམས་བྱ།། ཡེ་ཤེས་ཚོགས་རྣམས་རྫོགས་བྱའི་ཕྱིར།། ཤེས་རབ་ཚོགས་ཀྱི་སྦྱིན
370a3 མཆོག་དག། བསྟན་ཏམ་གླེགས་བམ་ལ་སོགས་པའི།། བློ་མཆོག་ལྡན་པ་རྣམས་ལ་སྦྱིན།། བསྒོམ་དང་གོམས་པར་བྱ་བ་ཡིས།། ཀུན་གཞི་དག་པར་བྱ་བའི་ཕྱིར།། ཏིང་འཛིན་བྱེ་བ་མང་པོ་ལ།། བློ་མཆོག་ཡིད་ཀྱི
370a4 རྩལ་དེ་སྤྱད།། ཆོས་ཀྱི་འཁོར་ལོ་རབ་བསྐོར་ཏེ།། རྒྱུད་སྦྱང་ལྷག་པའི་ཤེས་རབ་བལྟ།། ཤོ་གམ་སྲང་དང་ཤོ་གམ་ལམ།། མི་བདེའི་གནོད་པ་ཀུན་གསལ་ཏེ།། ཚད་མེད་སྙིང་རྗེའི་འཁོར་ལོ་བསྐོར།། སྦྱིན་པའི་འཁོར
370a5 ལོ་རྒྱུན་མི་གཅད།། ཆུ་འམ་སའམ་ནམ་མཁའ་འམ།། མེ་འམ་དེ་བཞིན་རླུང་རྣམས་ལ།། སྐུ་གདུང་སྤེལ་མཆོད་རིང་བསྲེལ་རྣམས། བརྩམ་པའི་ལས་ཆེན་འཁོར་ལོ་བྱ།། མཚན་མེད་ཟློག་པར་བྱེད་པ་ཡི།། ལུས
370a6 སེམས་རྒྱུད་ལ་རྡུལ་རླགས་ཏེ།། འཕགས་པའི་སྦྱིན་ཚོགས་ཕོ་བྲང་དུ།། རྡུལ་སྙེད་ལུས་ཀྱིས་མཆོད་སེམས་བཤགས།། རྒྱལ་མཉེས་ལས་ནི་གྱིས་ཤིག་པ།། ཐམས་ཆེན་སྦྱོང་པའི་ལས་ཆེན་ལས།། རྣམ་བཞི་མེ་ཡི་ལས
iiif viewer powered by OpenSeadragon
