| e-texts navigator |
| Wylie |
36b1 འཁོར་ཐམས་ཅད་དབྱེར་མེད་དེ། བདག་ཉིད་ཀྱི་མཚན་ཉིད་ལས་བྱུང་ཞིང་དེ་དག་ཐམས་ཅད་རང་ཉིད་ཡིན་པ་དང་། རང་གི་ཆོ་འཕྲུལ་ལས་བྱུང་བའི་འཁོར་རོལ་པའི་མཚན་ཉིད་དོན་ཐུགས་སུ་ཆུད་པའི་ཚུལ་དེ་ཡང
36b2 རང་གི་ཆོས་ཉིད་དུ་ཤེས་པར་བྱ་བའི་ཕྱིར་རང་གི་ངོ་བོ་ལ་གཟིགས་ཏེ། གསང་བ་ཡེ་ཤེས་ཀྱི་མཐོངས་བསལ་ཏེ། མ་རིག་པའི་ལྕིབས་ཕྱུང་ནས་རིག་པའི་ཡེ་ཤེས་ཀྱི་བདེ་བ་ཆེན་པོའི་དོན་ལ་གསལ་བར་ཕྱུང་སྟེ།
36b3 འཁོར་བ་དང་མྱ་ངན་ལས་འདས་པའི་དོན་ཅི་ལྟར་ཡིན་པ་དང་། སྣོད་བཅུད་འཛིན་པའི་དོན་ཇི་ལྟ་བ་ཡིན་པ་མཚན་ཉིད་ཐ་དད་ཀྱང་རང་གི་རྒྱན་དུ་སྣང་བར་བྱས་ནས། རང་གི་ངོ་བོ་དང་རང་བཞིན་དང་། རང
36b4 གི་སྤྱོད་ཡུལ་འཇིག་རྟེན་གྱི་ཁམས་མཐའ་ཡས་མུ་མེད་པ་ཐམས་ཅད་རང་གི་མཚན་ཉིད་དབྱེར་མི་ཕྱེད་པའི་ལྷུན་གྱིས་གྲུབ་པའི་ཆོས་ཉིད་ཡིན་པ་དང་། དེ་ཉིད་ཀྱི་ཤར་ལུགས་ལས་བདེ་བར་གཤེགས་པའི་སྐུ་དང་ཡེ
36b5 ཤེས་ཀྱི་སྣང་བ་རྣམ་པར་དག་པ་འབྱུང་བ་དང་། དེ་ཉིད་ཅི་ལྟར་ཡང་སྤྲུལ་ཞིང་སྐུ་གསུང་ཐུགས་ཡེ་ཤེས་ལྔའི་རང་བཞིན་ཅིར་ཡང་སྟོན་ཅིང་། ཆོས་ཉིད་དོན་ལ་གཡོ་བ་མེད་པར་གྱུར་པ་དང་། མ་ངེས་པའི་འཇའ་ཚོན
36b6 ལྟར་ཅིར་ཡང་གསལ་བདེ་བའི་དུས་ན་ཡང་བྱང་ཆུབ་སེམས་རིག་པ་དབྱེར་མེད་རང་གི་ངོ་བོར་འདུག་ཏེ་གཞན་དུ་མ་མཐོང་བའོ།། དེ་ནས་ཉིད་ཀྱི་རང་བཞིན་ལས་ངོ་བོ་ཉིད་ཀྱིས་འདི་སྐད་ཅེས་གསོལ་ཏོ།། ལྷུན
iiif viewer powered by OpenSeadragon
