| e-texts navigator |
| Wylie |
369b1 གསུང་གིས་གསང་སྔགས་རྒྱ་མཚོ་དང་། རྣམ་གྲངས་སྣ་ཚོགས་དོན་གྱི་བསྒྲུབ་པ་རྟགས་ཀྱི་རོལ་པ་གསང་བའི་དཀྱིལ་འཁོར་ཆེན་པོ་འདི་དག་བཤད་དོ།། གཅིག་ཏུ་ཡང་དག་ངེས་གྲུབ་པའི།། དོན་ལ་རྟོན་བྱེད་རྣལ
369b2 འབྱོར་རྣམས།། ཐོགས་མེད་ཉིད་དུ་འགྲུབ་འདོད་པ།། ཇི་ལྟར་བཙོ་བླག་མཁན་དག་གིས།། རས་དཀར་སྦྱངས་པས་ཚོན་འཛིན་ལྟར།། རྣལ་འབྱོར་ལས་རྣམས་དང་པོར་ནི།། སྐོངས་དང་སྦྱོང་བའི་ལས་རྣམས
369b3 གཅེས།། ཟབ་མོར་འཇུག་པའི་སྔོན་ལོགས་ནས།། སེམས་ཉིད་གཏིང་ནས་ཚར་གཅད་ཕྱིར།། ཐེག་པ་དམན་པའི་སྐྱེ་བོ་དང་།། ལྷན་ཅིག་ཅི་ལའང་མི་བརྣལ་ལོ།། དེ་ལས་གྱུར་པའི་ཡོ་བྱད་དག། རུས་སྦལ་མགོ་ལ
369b4 འོངས་པ་དག། ཤིན་ཏུ་འཁྲུགས་པའི་སེམས་ཆེན་གྱིས།། རྒྱ་མཚོས་བཤུགས་ཏེ་སྤང་བར་བྱ།། གལ་ཏེ་གང་ཟག་དབང་གིས་ན།། ཉམས་པའི་ཆད་པར་བྱུང་བ་ན། མགོན་ཚུན་ཆོས་ཉིད་ཆུ་ཕབ་ནས།། སྐོང་ཟློག་ཆོ་ག།
369b5 རྒྱ་ཆེར་བྱ།། སྒྲུབ་རྩོམ་སྔོན་ནམ་ཡང་སྔོན་ནམ།། ཞག་གྲངས་དག་གི་སྔོན་ལོགས་ནས།། སྡིག་སྦྱངས་བྱང་ཆུབ་སེམས་བསྐྱེད་དེ།། དགེ་བའི་དོན་ལ་འདུན་པར་བྱ།། སློང་མོ་དང་སློང་ལ་དགའ་བ།། སློང་ལ་འཚོ་བའི
369b6 ཚེ་སྤྱོད་རྣམས།། སྡེ་དང་ཚན་དང་གྲར་བྱས་ཏེ། སྙིང་རྗེ་ལུད་པའི་ཞིང་དུ་བྱ།། སྨན་དང་འབྲུ་དང་རྩི་རྣམས་དང་།། བཅུད་ཀྱི་མཆོག་ཏུ་གྱུར་པ་དག། བཏགས་སམ་ཕྱེ་མར་སྦྱར་ནས་ཀྱང་།། ཀླུང་ངམ་ཆུ་ཀླུང་མཚོ་ཆེན
iiif viewer powered by OpenSeadragon
