| e-texts navigator |
| Wylie |
368b1 རྟགས་ཆེན་པོ་བཅོ་བརྒྱད་དང་།། དུར་ཁྲོད་ཀྱི་ལོངས་སྤྱོད་སྣ་ཚོགས་པ་བསྟན་པས་ཞལ་འཛུམ་པའི་མདངས་ཀྱིས་གཟིགས་པ་ལས་སེམས་དཔའ་རྡོ་རྗེ་དེས་མཁྱེན་ཏེ།། བཀའ་གསང་དབང་ཆེན་འདིས་དོན་དུ་ནི
368b2 བཤད། ཚིག་ཏུ་བསྒྲགས་པར་རིག་ནས་འདུས་པའི་ཚོགས་ལ་ཤིན་ཏུ་ལྡེམ་དགོངས་ཀྱི་ཚིག་ཏུ་སྨྲས་པ།། བཀའ་གསང་རྨད་བྱུང་ཆེན་པོ་འདི་སྦས་པས་ཟབ་ཅིང་རྟོགས་དཀའ་བ།། མཚོན་པས་དོན་འབྱིན་མི་ཤེས
368b3 པས།། ཉོན་མོངས་རང་དགའ་སྤྱོད་སྙམ་པའི།། ཤིན་ཏུ་བྱིས་པའི་བློ་ཞན་པའི།། ངེས་པའི་ཤེས་རབ་མིག་ལྡོངས་ཏེ།། དོན་གྱི་རྩལ་ཤུགས་ཆུང་བ་ཡིས།། དགའ་བདེའི་ལོངས་སྤྱོད་བསྐྲུན་སྙམ་ནས།། མཚན་མ་རང
368b4 དགར་སྤྱད་བསྒྲུབས་ཀྱང་།། རང་བཞིན་འགྲུབ་པར་མི་འགྱུར་ཏེ།། རྒྱུད་ཕུང་འབྲས་བུ་ཚིག་གྱུར་ནས།། མྱུ་གུ་བརླག་སྟེ་ག་ལ་འབྱུང་།། གཏན་ཚིག་དེ་བས་འདི་དོན་དག། རྩལ་ཞན་དག་ལ་བསྟན་མིན
368b5 ཞེས།། གསང་བདག་རྒྱལ་པོ་ཀུན་གསུང་ན།། ཅི་ཁྱོད་རྣམས་ཀྱིས་མི་ཤེས་སམ།། ཞེས་རྣམ་པར་སྨྲས་པ་ལས།། འདུས་པའི་ཚོགས་ཀྱིས་སླར་གསོལ་པ།། ཨེ་མའོ་སེམས་དཔའ་ཆེན་པོ་དེ་ལྟ་བུའི་རྒྱུ་ཚིག་ཆེན་པོ་དག
368b6 འཁོར་གྱི་དཀྱིལ་འཁོར་གྱི་ནང་དམ་པ་འདིར་གསུང་ངམ། འོན་ཏེ་མི་སྤྱོད་དམ་ཅང་མ་ལགས་གྲང་། ཅི་བླང་དོར་མཛད་དམ། ཨེ་མ་སྣོད་དུ་མ་གྱུར་པ་ནི་གང་མཆིས། ཐམས་ཅད་བྱང་ཆུབ་ཀྱི་སྙིང་པོ་ཅན་ལགས
iiif viewer powered by OpenSeadragon
