| e-texts navigator |
| Wylie |
368a1 པའི་བདག་ཉིད། འདུས་པ་ཆེན་པོའི་ཚོགས་རྨད་དུ་བྱུང་བའི་ཚིག་ཤིན་ཏུ་རྟུལ་ཕོད་པ་གསོལ་བ་འཆལ་བ་འདི་ཤིན་ཏུ་ངོ་མཚར་ལགས་སོ།། འདི་དག་འདུལ་བའི་དབང་དུ་དགོངས་ཏེ། ཇི་ལྟར་འཚལ
368a2 བའི་བསམ་པ་རངས་པར་མཛད་དུ་གསོལ་ཞེས་གསོལ་བ་བཏབ་པ་ལས། བཅོམ་ལྡན་འདས་གསང་བ་མཆོག་གི་བདག་པོ་དེས་ཀུན་དུ་འདུལ་བའི་འདུས་མཁྱེན་ནས་བཀའ་གསང་རྨད་དུ་བྱུང་བའི་འཁོར་གྱིས
368a3 བསྐོར་བ་དུར་ཁྲོད་རྒྱན་གྱི་རོལ་པ་ལས་རྨད་དུ་བྱུང་བའི་ཏིང་ངེ་འཛིན་ལ་སྙོམས་པར་ཞུགས་སོ།། སྙོམས་པར་ཞུགས་ནས་འཁོར་བྱིན་གྱིས་རློབ་པའི་ཚིག་འདི་གསུངས་སོ།། ཧཱུཾ་ཧེ་ཧེ་ཕཊ། ཧཱུཾ་ཧཱུ~ཾ་བི་ཤྭ་བཛྲ་ཀྲོ་དྷ་ཛ་ལ
368a4 མཎྜལ་ལ་ཨཱ་ར་ལི་ཨ་ལི་ཨུ་ལི་ཏ་པ་ལི་ཏྲཾ་སྟྭཾ། ཁ་ལི་ཧོ། ན་ཤ་སྟཾ་བྷ་ཡ་ཧཱུཾ། བྲུཾ་ཕུ་ཙ་ཁ་ཧི་ཕཊ་ཕཊ་ཧ་ལ་ཧཱུཾ་ཞེས་གསུངས་སོ།། འཇིག་རྟེན་དྲུག་གི་ཕྱོགས་བཅུ་མཐའ་ཡས་པ་ཐམས་ཅད་དུར་ཁྲོད་ཀྱི་དཀྱིལ་འཁོར་དུ
368a5 གྱུར་ནས། གཡོས། རབ་ཏུ་གཡོས། ཤིན་ཏུ་རྣམ་པར་འཐོར་རོ།། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་སེམས་དཔའ་རྡོ་རྗེའི་སྙིང་པོ་ལ་འཁོར་གཞན་གྱིས་ཡིད་ཚོད་དུ་མི་འགྱུར་བའི་སྐུའི
368a6 ཆོས་བསྟན་པ་ནི་སྐུ་ཀུན་དུ་དུར་ཁྲོད་ཀྱི་བདག་པོ་ཆེན་པོར་བསྒྱུར་ནས་དུར་ཁྲོད་ཀྱི་གནས་བརྒྱད་དང་།། ཧེ་རུ་ཀའི་གནས་བཅུ་དང་།། དཔལ་གྱི་ཆས་བརྒྱད་དང་།། དུར་ཁྲོད་ཀྱི་རྒྱན་ཆེན་པོ་དགུ་དང་། དོན་གྱི
iiif viewer powered by OpenSeadragon
