| e-texts navigator |
| Wylie |
366a1 པོར་ཐོབ་པར་གྱུར།། བསམ་ཡས་བསམ་གྱིས་མི་ཁྱབ་པ།། རྒྱལ་རྣམས་འདིར་བསླབ་འདིར་མཁྱེན་པས།། སྲིད་གསུམ་འགྲོ་བའི་བཤེས་གཉེན་དུ།། ཀུན་གྱི་བདག་པོར་གྱུར་པ་ཡིན།། དེ་ཡང་ཇི་ལྟར
366a2 བུ་ཞེ་ན།། སྔོན་གྱི་བྲམ་ཟེ་གསལ་བྱིན་གྱིས།། གསང་ཆེན་འདི་ཡི་དོན་བསླབས་ནས།། རང་གི་སེམས་ལ་གོམས་བྱས་ནས།། སེམས་ཉིད་བདེན་པའི་དོན་མཐོང་སྟེ།། ཆོས་རྣམས་ཀུན་ལ་མཁས་པར་འགྱུར།
366a3 རོ།། ཀུན་གྱི་རྩ་བ་སེམས་ཡིན་པས།། སེམས་ལས་ཆོས་བྱུང་འབུམ་ཕྲག་ཡས།། ཆོས་ཀྱི་རྒྱལ་པོར་དེར་གྱུར་ནས།། སངས་རྒྱས་སྨྲ་བའི་སེང་གེ་ཞེས།། ཞིང་ཁམས་ཀུན་ཏུ་གྲགས་པར་འགྱུར།། དེ་བཞིན་བསླབ་པར
366a4 དག་པར་གྱིས།། ཚོགས་ཆེན་གཅིག་གི་བསོད་ནམས་ནི།། སྐྱེ་ལ་ཉན་ཐོས་བསམ་ཡས་ལ།། སྦྱིན་པའི་ཚོགས་ཆེན་སྤེལ་བས་ནི།། འབུམ་གྱི་ཆར་ཡང་མི་ཕོད་དོ།། ཅི་ཕྱིར་ཞེན་གཅིག་མཉེས་པས།། རྒྱལ་བ་ཐམས
366a5 ཅད་མཉེས་པ་ཡིན།། ནམ་མཁའ་ཁྱབ་པའི་རྒྱལ་བ་དང་།། ཉག་གཅིག་སྣང་བའི་རྒྱལ་བ་གཉིས།། སོ་སོ་མ་ཡིན་ཐ་མི་དད།། སྐུ་དང་གསུང་ཐུགས་གཅིག་ལས་མེད།། འདུལ་བའི་ངོ་གང་ཁྱད་པར་ལས།། བསམ
366a6 གྱིས་མི་ཁྱབ་བསྟན་པར་ཟད།། དེ་ན་ཁྱད་པར་དེ་ལྟར་སྣང་།། དེ་ཡང་ཇི་ལྟ་བུ་ཞེ་ན།། ལས་རྣམས་དག་པའི་བྲམ་ཟེ་ནི།། དགེ་ལྡན་གསལ་ལྡན་བྱ་བ་གཉིས།། དགའ་བའི་དད་པ་སོ་སོར་སྐྱེས།། གཅིག་ལ་གཅིག
iiif viewer powered by OpenSeadragon
