| e-texts navigator |
| Wylie |
365b1 ཡི།། རིག་འཛིན་ཆེན་པོའི་ས་ཉིད་ཐོབ།། དེ་བཞིན་མཐོང་བས་དག་པར་གྱིས།། གཞན་དག་འདིར་ནི་མངོན་སྤྱོད་ལ།། དགའ་བའི་ཡིད་ཀྱིས་ཕྱོགས་བྱེད་པ།། དེ་ནི་དངོས་དང་འདྲ་བ་སྟེ།། འབྲས་བུ་ལ་ཡང་མཐོ
365b2 དམན་མེད།། དེ་ཡང་ཇི་ལྟ་བུ་ཞེ་ན།། རྒྱལ་པོ་དབང་ཕྱུག་འོད་ལྡན་ཞེས།། བྱ་བའི་རྣལ་འབྱོར་ཅན་ཞིག་ལ།། ཚོམ་བུ་བཅུ་དང་བཅས་པའི་འཁོར།། རིག་འཛིན་སྤྱོད་པའི་དོན་ལ་ཞུགས།། སྔགས་སྤྱོད་འབྲས་བུ
365b3 ཆེར་ཐོབ་སྟེ།། ངོ་མཚར་ཆོ་འཕྲུལ་མང་པོ་དག། ཐོབ་པ་ཀུན་ཏུ་གྲགས་པར་འགྱུར།། དེ་ལ་གཞན་གྱི་སྡེ་པ་ཡི།། བྲམ་ཟེ་དགེ་སློབ་བྱ་བ་ཞིག། ཤིན་ཏུ་དག་པའི་སེམས་བསྐྱེད་ནས།། འཇུག་ཅིང་བསླབ་པར་ཞུགས་པ
365b4 ལས།། རྒྱལ་པོས་མ་གནང་གསང་སྒོ་བསྡམས།། བྲམ་ཟེ་དད་པ་མ་ལོག་པར།། འབྱོར་པའི་ཡོ་བྱད་ཅི་ཡོད་རྣམས།། རྒྱལ་པོ་འཁོར་དུ་ཕུལ་ནས་ཀྱང་།། རྒྱལ་པོ་གནས་པའི་ཡུལ་ཕྱོགས་སུ།། ཡིད་ཀྱི་ཕྱོགས་ཏེ་སྨོན
365b5 ལམ་བཏབ།། རྩེ་གཅིག་པར་ནི་སྨོན་ལམ་བཏབ།། རྗེས་སུ་ཡི་རང་དམ་པར་ནི།། ཡིད་ལ་བྱས་པའི་བསོད་ནམས་ཀྱིས།། སྒྲུབ་པར་བྱེད་པའི་རྒྱལ་པོ་དང་།། སྒྲུབ་དང་མི་ལྡན་བྲམ་ཟེ་གཉིས།། འབྲས་བུ་མཐོ་དམན
365b6 མེད་པར་ཐོབ།། འདི་ནི་ཚེགས་མེད་དོན་པོ་ཆེ།། ཐབས་ལ་མཁས་པའི་རིག་འཛིན་ཡིན།། དེ་བཞིན་སྤྱོད་པ་གཞན་དག་ལ།། དགའ་བས་རྗེས་སུ་ཡི་རང་གིས།། དགེ་བ་སྤྱད་དང་མ་སྤྱད་གཉིས།། འབྲས་བུ་མཉམ
iiif viewer powered by OpenSeadragon
