| e-texts navigator |
| Wylie |
364b1 བར།། ཇི་ལྟར་མོས་པ་དེ་མྱུར་འཐོབ།། དེ་ཡང་ཇི་ལྟ་བུ་ཞེ་ན།། བྲམ་ཟེའི་བུ་ནི་བྱམས་ལྡན་ཏེ།། གསང་བ་ཆེན་པོའི་ཚོགས་འདི་དག། སྤྱོད་པར་མོས་ནས་ཀུན་ཏུ་བཙལ།། བཙལ་བས་རྙེད་པར་མ་གྱུར་ཏེ།། ས
364b2 ཕྱོགས་ཞིག་ཏུ་འདུག་ནས་ནི།། ཤིན་ཏུ་ངུས་ནས་སྨྲས་པ་ནི།། ཨེ་མའོ་བདག་གི་ལས་རེ་ཕམ།། སྐྱེས་ནས་རྒས་པར་གྱུར་བར་དུ།། ཚོགས་ཆེན་ཟབ་མོའི་དོན་བཙལ་ན།། དོན་དང་མ་ཕྲང་ལས་རེ་ངན།། ད་འོང་ཇི
364b3 ལྟར་བཙལ་ན་རྙེད།། བཙལ་བྱས་རྙེད་པར་ཡོང་མི་འགྱུར།། ཐུགས་རྗེས་བདག་ལ་སྐྱབས་སུ་འཆི།། གདུང་བ་སྒྲ་ཆེར་ཕྱུང་བ་ལས།། ནམ་མཁའི་ཁམས་ནས་སྒྲ་ཕྱུང་སྟེ།། སྐལ་དང་ལྡན་པའི་བྲམ་ཟེ་ཁྱོད།། དེ་ལྟར
364b4 ཡི་དམ་ལ་བརྟེན་པ།། ཁྱོད་ནི་དོན་གྱི་སྐལ་པ་ཅན།། དུས་གསུམ་རྒྱལ་བའི་ཐམས་ཅད་ཀྱིས།། ཁྱོད་ལ་བྱིན་གྱིས་རློབ་པར་མཛད།། དེ་བས་ལྟ་བ་མ་གཡེལ་བར།། སྒྲིབ་པ་སྦྱང་བའི་ཐབས་དག་ལ།། མཁས་ཤིང
364b5 བརྩོན་པར་བྱ་དགོས་ཏེ།། རང་གི་རྩ་རྣམས་བཀྲོས་ནས་ནི།། ཁྲག་ཆེན་དག་གིས་མཆོད་པ་དེ།། འདོད་ཆགས་དག་པ་ཙནྡན་ཆུས།། དམིགས་ནས་རྒྱལ་བ་ཀུན་མཆོད་ནས།། དེ་མ་ཐག་ཏུ་དོན་ཐོབ་འགྱུར།། དེ་སྐད
364b6 ལུང་བསྟན་ཐོབ་ནས་ནི།། དགའ་བའི་བསམ་པ་ཆེར་གཡོས་ཏེ།། ལུང་བསྟན་པ་ལྟར་དེ་སྤྱད་པས།། རིག་འཛིན་རྒྱལ་བའི་སྲས་སུ་གྱུར།། དེ་བཞིན་མོས་པ་དག་པར་སྤྱོད།། མཐོང་ལ་སྐལ་ལྡན་འདིར་ཞུགས
iiif viewer powered by OpenSeadragon
