| e-texts navigator |
| Wylie |
362a1 དང་བཀུར་སྟེས་འཚོ་བའི་འཁོར།། གཞན་གྱི་དབང་དུ་གྱུར་དོགས་ནས། སྒོ་རིས་རྐྱང་ཆེན་སོ་སོར་གཅོད།། འཁོར་འདི་བདག་གིས་སྨིན་བྱ་ཡི།། གདུལ་བར་བྱ་བའི་ཞིང་ཡིན་གྱིས།། གང་དག་འདི
362a2 དང་མ་འབྲེལ་ཞེས།། ཉོན་མོངས་ཚིག་གིས་སྒོ་བྱེད་ནོར།། དེ་ཡང་ཇི་ལྟ་བུ་ཞེ་ན།། རྣམ་འབྱོར་ན་ཞི་གནས་པ་ཞེས།། བྱ་བའི་ཚོམ་བུ་ལྔ་བརྒྱ་ཞིག། ཤིན་ཏུ་གསང་སྔགས་སྤྱོད་དོ་ཞེས།། དགོན་པའི་གནས་སུ་འདུ
362a3 གནས་ནི།། ཡུལ་ཁམས་ཆེན་པོ་དེ་དག་གིས།། གནས་པར་གྱུར་པའི་མི་རྣམས་ཀུན།། གདུལ་བར་བྱ་བའི་ཞིང་དུ་སྤྱོད།། གཞན་གྱི་སྡེ་པར་གྱུར་པ་ཡི།། དགེ་སློང་དོན་དང་ལྡན་པ་ཞིག། ཡུལ་དེར་ཆེད་དུ་འོངས་ནས
362a4 ནི།། རྣལ་འབྱོར་ངེས་པའི་ལམ་མཆོག་གཅིག། རྒྱ་ཆེར་བསྟན་པར་བསམ་པ་ལས། དགེ་སློང་དགོན་པར་གནས་པ་དེས།། ཉོན་མོངས་ཚིག་གི་བསྒོ་བ་བྱས།། འཁོར་འདི་བདག་གི་ཞིང་ཡིན་གྱིས།། ཁྱོད་ནི་འདི་ལ
362a5 མ་གཏོགས་ཞེས།། སྒོ་དང་ཚན་དང་རིས་བཅད་པས།། ཉོན་མོངས་འཁོར་བའི་ལ་དུ་ལྷུང་།། དེ་འདྲའི་ཚུལ་དུ་མ་སྤྱོད་ཅིག། རྣལ་འབྱོར་ཆེན་པོར་བསྔོས་གྱུར་ལ། སྣ་འགས་ཅི་རྒྱལ་གསོག་འཇོག་བྱེད།། གཅིག་ཡིད
362a6 གཅིག་གིས་འབྱིན་བྱེད་པ།། ནམ་ཞར་ལོངས་སྤྱོད་ཐོབ་པ་མིན།། དེ་ཡང་ཇི་ལྟ་བུ་ཞེ་ན།། རྣལ་འབྱོར་བདེ་ལྡན་ཤེས་པ་ཞེས།། བྱ་བའི་ཚོམ་བུར་བཅས་པ་ཞིག། གསང་བ་རྒྱ་ཆེར་སྤྱོད་པ་ལས།། འཁོར་ན་གནས
iiif viewer powered by OpenSeadragon
