| e-texts navigator |
| Wylie |
358a1 རྒྱལ་པོར་འགྱུར།། ཞེས་བཀའ་སྩལ་ཏོ།། དེ་ནས་ཡང་བཅོམ་ལྡན་འདས་སེམས་དཔའི་རྡོ་རྗེ། ཉི་ཟླའི་ཚོགས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་ཡང་ཏིང་ངེ་འཛིན་དེ་ལས
358a2 བཞེངས་པར་གྱུར་པ་དང་། འདུས་པ་ཆེན་པོའི་ཚོགས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་ཆོས་ཐམས་ཅད་ནི་ཉི་ཟླའི་ཚོགས་སུ་མཐོང་ངོ་།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས
358a3 བཀའ་སྩལ་པ། འདུས་པ་ཆེན་པོའི་ཚོགས་ཆོས་ཐམས་ཅད་ཀྱི་རླུང་བཞིན་ནི་བྱང་ཆུབ་སེམས་དང་སྙིང་རྗེ་ཆེན་པོའི་རང་བཞིན་ཡིན་པར་ཤེས་པར་གྱིས་ཤིག། ཆོས་ཐམས་ཅད་ནི་བྱང་ཆུབ་སེམས་ལས་བྱུང་ཞིང་སྙིང
358a4 རྗེའི་རང་བཞིན་ཅན་ཡིན་ནོ།། དེ་ནས་འདུས་པའི་ཚོགས་ཀྱིས་གསོལ་པ། བཅོམ་ལྡན། འདས་སྙིང་རྗེ་དང་བྱང་ཆུབ་སེམས་ཀྱི་དོན་བདག་ཅག་ལ་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཆོས
358a5 རྣམས་ཀུན་གྱི་ཡོ་བྱད་ནི།། སྙིང་རྗེ་བྱང་ཆུབ་སེམས་ཡིན་ཏེ།། ཡོ་བྱད་དེ་དག་མ་ལྡན་ན།། དོན་རྣམས་འགྲུབ་པར་མི་འགྱུར་རོ།། རྣལ་འབྱོར་བྱང་ཆུབ་སེམས་རྫོགས་པ།། བཅུ་དྲུག་རྫོགས་པའི་ཟླ་རྒྱས་ཚུལ།། སྙིང
358a6 རྗེ་ཡེ་ཤེས་ཤར་བ་ནི།། མཁས་ལ་ཉི་གསལ་ཤར་བའི་ཚུལ།། དོན་གཉིས་རྫོགས་པའི་རྣལ་འབྱོར་པ།། རྣལ་འབྱོར་ངེས་པའི་ས་པ་ཡིན།། ངེས་པའི་ས་ལ་བགྲོད་པ་ནི།། རྡོ་རྗེ་དུས་ཀྱི་རྒྱུན་ཚོགས་ཀྱིས།། ཚོགས་ཆེན
iiif viewer powered by OpenSeadragon
