| e-texts navigator |
| Wylie |
357b1 བཞིའི་ངང་དུ་རྫོགས་པར་ཤེས་པར་གྱིས་ཤིག། དེ་ཅིའི་ཕྱིར་ཞེ་ན། མཉམ་པ་ཉིད་ཀྱི་ངང་ལ་དུས་སྔ་ཕྱིར་སྣང་བ་མེད་དོ།། དེ་ནས་འདུས་པའི་ཚོགས་རྣམས་ཀྱིས་གསོལ་པ། བཅོམ་ལྡན་འདས་མཉམ་པ་ཆེན་པོའི
357b2 དུས་ཉིད་བདག་ཅག་རྣམས་ལ་རྒྱ་ཆེར་བཤད་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། འདུས་པ་ཆེན་པོ་ཡི་ནི་ཚོགས།། མཉམ་པ་ཉིད་ཀྱི་དུས་རིག་ན།། དུས་ཞེས་བྱ་བའི
357b3 མིང་ཡང་མེད།། དུས་བཞི་མཉམ་པར་རབ་ཤེས་ན།། ཆོས་ཉིད་མཉམ་པའི་རང་བཞིན་ནོ།། རྡོ་རྗེ་དུས་ཀྱི་ལྷ་མོའི་ཚོགས།། འདས་དང་ད་ལྟར་བྱུང་བ་དང་།། མི་འབྱུང་བ་ཡི་ཆ་རྣམས་ལ།། དབང་སྒྱུར་མཉམ་པའི
357b4 རྒྱལ་མོ་རྣམས།། འཇིག་དང་སྐྱེ་དང་སྨིན་པ་དང་། འགག་པར་གྱུར་བ་དེ་དག་དུ།། རྡོ་རྗེ་རྣམ་ཐར་ཚད་མེད་དང་།། སེམས་དང་དེ་བཞིན་མཉམ་པ་ཡི།། ཤེས་རབ་འཁོར་དང་དཔལ་གྱི་དཀྱིལ།། དེ་བཞིན་རིམ་པར
357b5 རྡོ་རྗེ་ཡི།། གླུ་གར་ལ་སོགས་ཡོ་བྱད་ཀྱིས།། མཆོད་དང་འཇུག་ཚུལ་གོང་མ་བཞིན།། ཆ་རྣམས་དུས་ལས་མི་འདའ་བར།། ལྷ་ཡི་ཉི་མ་རྣམས་ལའོ།། བདེ་བ་ཆེན་པོ་ལ་སོགས་པ།། ཚོམ་བུའང་ཡང་ན་ཕྱག་རྒྱ
357b6 རྣམས།། སྤྱིར་རམ་རེ་རེར་སྦྱར་བར་བྱ།། འདས་ལ་རྣམ་ཐར་ཚོགས་བསྐུལ་ཏེ།། ད་ལྟ་བྱུང་དང་མི་འབྱུང་ལ།། ཚད་མེད་སེམས་དང་མཉམ་པར་བསྐྲུན།། མཉམ་པའི་རྒྱལ་པོར་དེ་འགྱུར་ཏེ།། བདེ་གཤེགས་དུས་ཀྱི
iiif viewer powered by OpenSeadragon
