| e-texts navigator |
| Wylie |
356b1 ལ་སོགས་པ།། རྫོགས་པའི་ཚུལ་གྱིས་བསྒྱིངས་བཅས་ཏེ།། ཁ་དོག་ལྔ་ཡི་འོང་འབར་བས།། བཅུ་དྲུག་ཆས་ན་སྒེག་པ་རྣམས།། རིམ་གྱིས་བསྐྱེད་དང་ཅིག་ཅར་བསྐྱེད།། དབང་པོའི་རིམ་པ་སྦྱར་བར་བྱ།། གསང་ཉིད
356b2 ཚོགས་ཀྱི་འཁོར་རྣམས་ཀྱང་།། གནས་ནས་གྱུར་པའི་རང་བཞིན་གྱིས།། ཕྱག་རྒྱ་རྒྱལ་པོ་རྒྱ་མོར་བཅས།། བརྒྱད་གཉིས་ཟུང་སྒྲིལ་འཁྲིལ་འཁྱུད་སྦྱོར།། ས་དང་ནམ་མཁའ་སྤྱན་རྡོ་རྗེ།། བྱམས་དང་རྡོ་རྗེ་ཀུན་བཟང
356b3 དཔལ།། ནང་དང་ཕྱི་ཡི་ཡོ་བྱད་ནི།། གཞི་གཉིས་དག་གིས་མཉེས་སྦྱོར་བ།། བསམ་བྱ་ལ་སོགས་དེ་བཞིན་ནོ།། རྡོ་རྗེ་སྒོ་དང་བཅས་པ་ནི།། རྡོ་རྗེ་འཁྲིལ་འཁྱུད་གསང་བའི་ཚོགས།། རྣལ་འབྱོར་ལོངས་སྤྱོད་ཆེ་སྦྱར
356b4 བས།། མཉེས་ནས་སྐོངས་ཕྱིར་རིམ་བཞིན་དབུལ། གསང་བའི་འཇུག་ཚུལ་ལ་སོགས་ཀྱིས།། གསང་བའི་དོན་རྣམས་སྒྲུབ་པར་བྱེད།། ཅེས་བཀའ་སྩལ་ཏོ།། དེ་ནས་བཅོམ་ལྡན་འདས་སེམས་དཔའ་རྡོ་རྗེ་དེ་རྡོ་རྗེ
356b5 ཀུན་དུ་འབྲེལ་བའི་དབྱིངས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་བཅོམ་ལྡན་འདས་ལ་འདུས་པའི་འཁོར་གྱིས་འདི་སྐད་ཅེས་གསོལ་ཏོ།། ཆོས་ཐམས་ཅད་ཀྱི་རང་བཞིན་ནི་རྡོ་རྗེ་དྲ་བའི
356b6 དབྱིངས་སུ་བདག་ཅག་རྣམས་ཀྱིས་མཐོང་ངོ་།། བཅོམ་ལྡན་འདས་ཀྱིས་བཀའ་སྩལ་པ། འདུས་པ་ཆེན་པོའི་ཚོགས་དྲ་བའི་དབྱིངས་སུ་ཤེས་པར་གྱིས་ཤིག། ཆོས་ཐམས་ཅད་ནི་ཐུགས་ཀྱི་རིག་པ་ལས་བྱུང་ལ་ཐུགས
iiif viewer powered by OpenSeadragon
