| e-texts navigator |
| Wylie |
356a1 རང་བཞིན་ཅན་དུ་བདག་ཅག་རྣམས་ཀྱིས་མཐོང་ངོ་།། ཞེས་གསོལ་ཏོ།། དེ་སྐད་ཅེས་གསོལ་པ་དང་།། བཅོམ་ལྡན་འདས་ཀྱིས་བཀའ་སྩལ་པ། འདུས་པ་ཆེན་པོའི་རྣལ་འབྱོར་པ་ཆོས་ཐམས་ཅད
356a2 ནི་ཐབས་དང་ཤེས་རབ་ཏུ་འབྲེལ་བ་སྟེ། གཉིས་སུ་མེད་པར་ཤེས་པར་གྱིས་ཤིག་དེ་ནས་འདུས་པའི་རྣལ་འབྱོར་པ་རྣམས་ཀྱི་གསོལ་པ། སེམས་དཔའ་ཆེན་པོ་ཆོས་ཐམས་ཅད་དྲ་བར་འབྲེལ་པའི་དོན་བཤད་དུ
356a3 གསོལ། སེམས་དཔའ་ཆེན་པོས་བཀའ་སྩལ་པ།། འབྲེལ་པའི་དོན་ནི་འདི་ལྟ་སྟེ།། ཆོས་རྣམས་ཀུན་གྱི་མཚན་ཉིད་ནི།། ཕན་ཚུན་འབྲེལ་བའི་ཚུལ་དུ་སྣང་།། ཆོས་ཀུན་ནམ་མཁའའི་མཚན་ཉིད་ལས།། སྤྲུལ་པ་བྱེ་བ
356a4 ཅིར་ཡང་སྣང་།། གཉིས་མེད་དྲ་བའི་ཚུལ་དུ་འབྲེལ།། རྣལ་འབྱོར་གསང་བའི་མཆོག་ཡིན་ཏེ།། རྩལ་དང་ལྡན་པ་གསང་སྒོ་བ།། འདི་ལ་གསང་སྒོ་དབྱེ་བར་བྱ།། གསང་འདིར་ཆུད་པའི་བུ་རྣམས་ལ།། རྡོ་རྗེ་གསང
356a5 བའི་བཀའ་འདི་བསྒྲགས།། གསང་བའི་དཀྱིལ་འཁོར་དམ་པ་འདི།། རྡོ་རྗེ་རྒྱལ་པོ་རྒྱལ་མོར་བཅས།། ལྔ་ཉིད་ཟུང་དུ་འཁྲིལ་བ་ནི།། གཡས་ནས་གཡོན་དུ་འཁྲིལ་འཁྱུད་སྦྱོར།། གཡས་ཉིད་བྱང་ཆུབ
356a6 དང་།། རང་རང་མཚན་མ་འབར་བའོ།། གཡོན་གྱི་སྒྲ་སྙན་དྲིལ་བུ་དང་།། རྟགས་ཀྱིས་མཛེས་པར་གསལ་བ་ལ།། འབྱོ་ཞིང་འདུད་པའི་མདངས་ལྡན་པས།། ཆགས་ཤིང་གཡོ་བའི་ཚུལ་གྱིས་ནི།། སེང་ཆེན་ཁྱུ་མཆོག
iiif viewer powered by OpenSeadragon
