| e-texts navigator |
| Wylie |
353b1 དང་། རྡོ་རྗེ་དྲོད་ཀྱི་རྟགས་འཛིན་ལས།། སོགས་པའི་བརྡ་ཡི་དམ་ཚིག་རྣམས།། རྣལ་འབྱོར་ཅན་གྱིས་སྤྱད་ན་འགྲུབ།། ལུས་བརྡ་དམ་ཚིག་ཕྱག་རྒྱའོ།། ཞེས་སྨྲ་བའི་སེང་གེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ
353b2 རྗེ་བཀོད་པ་ཀུན་འདུས་རིག་པའི་མདོ་ལས་རྣལ་འབྱོར་བརྡའི་ལེའུ་སྟེ་ལྔ་པའོ།། །། དེ་ནས་ཡང་སྨྲ་བའི་སེང་གེ་སེམས་དཔའི་རྡོ་རྗེ་དེ་རྣལ་འབྱོར་རོལ་པའི་ཚོགས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས
353b3 སོ།། དེ་ནས་ཏིང་ངེ་འཛིན་དེ་ལས་བཞེངས་པར་གྱུར་པ་དང་།། འདུས་པ་ཆེན་པའི་ཚོགས་ཀྱིས་གསོལ་པ། སྨྲ་བའི་སེང་གེ་ཆེན་པོ་ཆོས་ཐམས་ཅད་ནི་རྡོ་རྗེ་ཚོགས་ཀྱི་དཀྱིལ་འཁོར་དུ་བདག་ཅག་རྣམས་ཀྱིས
353b4 མཐོང་ངོ་ཞེས་གསོལ་པ་དང་། སྨྲ་བའི་སེང་གེས་བཀའ་སྩལ་པ། འདུས་པ་ཆེན་པོའི་ཚོགས་ཆོས་ཐམས་ཅད་ཀྱི་རང་བཞིན་ནི་རྡོ་རྗེ་ཚོགས་ཡིན་པར་ཤེས་པར་གྱིས་ཤིག་ཅེས་བཀའ་སྩལ་པ་དང་། འདུས་པའི་ཚོགས
353b5 ཀྱིས་གསོལ་པ། སེམས་དཔའ་ཆེན་པོ་ཆོས་ཐམས་ཅད་ཀྱི་རང་བཞིན་ནི་རྡོ་རྗེ་ཚོགས་ཀྱི་དཀྱིལ་འཁོར་གྱི་དོན་བདག་ཅག་རྣམས་ལ་རྒྱ་ཆེར་བཤད་དུ་གསོལ།། སེམས་དཔའ་ཆེན་པོས་བཀའ་སྩལ་པ།། ཉོན་ཅིག
353b6 འདུས་པ་ཆེན་པོའི་ཚོགས།། རྡོ་རྗེ་ཚོགས་ཀྱི་དཀྱིལ་འཁོར་འདི།། རྒྱལ་བ་རྣམས་ཀྱི་ཐུགས་དམ་སྟེ།། རྣལ་འབྱོར་ཀུན་གྱིས་སྤྱད་པའི་ལམ།། ས་མཆོག་བགྲོད་པའི་ལམ་འདི་དག། འདུས་པའི་ཚོགས་ལ་བཤད་པར
iiif viewer powered by OpenSeadragon
