| e-texts navigator |
| Wylie |
351b1 པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་མ་ཚིག་གསང་བ་མཆོག་གི་ལེའུ་ཞེས་བྱ་སྟེ་བཞི་པའོ།། །། དེ་ནས་ཡང་སེམས་དཔའི་རྡོ་རྗེ་དེ་ཆོས་ཐམས་ཅད་བརྡས་མཚོན་པ་ཞེས་བྱ་བའི་ཏིང་ངེ་འཛིན
351b2 ལ་སྙོམས་པར་ཞུགས་སོ།། དེ་ནས་ཏིང་ངེ་འཛིན་དེ་ལས་བཞེངས་པ་དང་། འདུས་པ་ཆེན་པོའི་འཁོར་རྣམས་ཀྱིས་གསོལ་པ། སེམས་དཔའ་ཆེན་པོ་ཆོས་ཐམས་ཅད་ནི་བདག་ཅག་རྣམས་ཀྱིས་བརྡ་རིག་པ་ཙམ་གྱི་ངོ
351b3 བོར་མཐོང་ངོ་།། དེ་ནས་སེམས་དཔའ་ཆེན་པོས་བཀའ་སྩལ་པ། འདུས་པ་ཆེན་པོའི་ཚོགས་ཆོས་ཐམས་ཅད་ནི་བརྡ་དང་། ཐ་སྙད་དང་། བཏགས་པ་ཙམ་དུ་ཤེས་པར་གྱིས་ཤིག་བཏགས་པའི་ཆོས་ཐམས་ཅད་ནི་ཕྱི
351b4 ནང་གང་ན་ཡང་མི་གནས་ཏེ། ཆོས་ཐམས་ཅད་ལ་མིང་གི་གཞི་མེད་ཅིང་བཏགས་པའི་ཐ་སྙད་དང་བྲལ་བ་ཡིན་ནོ།། བརྡ་ཞེས་བྱ་བ་ནི་སྦས་པ་བཏགས་པའི་ཐ་སྙད་ཡིན་ནོ།། སྦས་པའི་ཆོས་རྣམས་གསང་བའི
351b5 ཕྱིར། ཐམས་ཅད་སྔ་ཞིང་བརྒྱུད་པར་བྱ། འདི་ལྟར་བརྡ་ཡི་སྦྱོར་བ་ལ། རྣལ་འབྱོར་ཅན་གྱིས་ཤེས་པར་གྱིས། དེ་ནས་འདུས་པའི་རྣལ་འབྱོར་རྣམས་ཀྱིས་གསོལ་པ། སེམས་དཔའ་ཆེན་པོས་བརྡ་ཡི་ཆོས་རྣམས་རྒྱ
351b6 ཆེར་བཤད་དུ་གསོལ། བདག་ཅག་གིས་ཀྱང་ཆོས་ཐམས་ཅད།། བརྡ་ཡི་དོན་གྱིས་བརྒྱུད་པར་བགྱི།། བརྡ་ཞེས་བགྱི་བ་ཇི་ལྟ་བུ།། སྦས་པའི་ཆོས་ནི་གང་དང་གང་།། མི་བསྟན་གསང་བ་གང་གང་ལགས།། དེ་སྐད
iiif viewer powered by OpenSeadragon
