| e-texts navigator |
| Wylie |
351a1 པ་ཐམས་ཅད་ཀུན།། ལྷུན་གྱིས་གྲུབ་པའི་མཛད་སྤྱོད་དོ།། མ་སྤངས་ལྷུན་གྲུབ་དབྱེར་མེད་པས། དབྱིངས་ལས་གཞན་ན་ལྷ་ཡུལ་མེད།། འདི་ནི་ལྟ་བའི་དམ་ཚིག་གོ། ས་ཆུ་མེ་རླུང་སྣོད་བཅུད
351a2 བཅས།། ཀུན་ཀྱང་རང་བཞིན་ཆོས་ཉིད་དོ།། ཆོས་ཉིད་དོན་ལ་གཞན་མེད་པ།། རང་བྱུང་ཡེ་ཤེས་གསལ་བའོ།། ཡིད་བཞིན་ནོར་བུ་རིན་པོ་ཆེ།། མ་བཙལ་རང་ལ་ཡོད་པ་ཡིན། འདོད་པ་འབྱུང་བའི་ལོངས་སྤྱོད
351a3 དེ།། བདེ་ཆེན་ལོངས་སྤྱོད་ཚོགས་ཡིན་ནོ།། ངན་སོང་མཐོ་རིས་ཐམས་ཅད་དང་།། འཕགས་ལམ་འཁོར་བའི་ཆོས་རྣམས་ཀུན།། རང་བཞིན་སོ་སོར་མི་དམིགས་ཏེ།། སངས་རྒྱས་ཀྱི་ནི་རང་བཞིན་ཡིན།། སྤྱོད་དང
351a4 གཟུགས་རིགས་ཐམས་ཅད་ཀུན།། ཕྱག་རྒྱ་ཆེན་པོའི་རང་བཞིན་ཏེ།། སྐུ་གསུང་ཐུགས་ཚིག་རྒྱ་ཆེར་སྟོན།། དོན་རིགས་ཐུགས་ཀྱི་རང་བཞིན་ནོ།། མ་སྐྱེས་པ་དང་མ་བྱུང་བ།། མི་གནས་པ་ལ་ཆགས་པ་མེད།། དོན་གྱི
351a5 ཁྱད་པར་རྟོགས་ཆུད་ན།། ཀུན་ཏུ་བཟང་པོ་མཆོག་གི་སའོ།། མཚན་དང་དཔེ་བྱད་ཀུན་རྫོགས་ཏེ།། ཐམས་ཅད་སྐུ་གསུང་ཐུགས་ཀྱི་དོན།། བདག་ཉིད་ཆེན་པོར་ཐམས་ཅད་རྫོགས།། ལྷན་རྫོགས་བདེ་བ་ཆེན་པོ་ཡི།།
351a6 ཁྱབ་པ་ཆེན་པོར་ཀུན་བདལ་བས།། སྒྲིབ་པ་ཀུན་བྱང་ཚོགས་ཀུན་རྫོགས།། རྣམ་གྲོལ་བཅིངས་པ་ཀུན་དང་བྲལ།། ལྷུན་གྲུབ་བདེ་བའི་གནས་ཆེན་ཡིན།། ཞེས་སྨྲ་བའི་སེང་གེ་ཆེན་པོས་གསུངས་སོ།། རྒྱུད་ཀྱི་རྒྱལ
iiif viewer powered by OpenSeadragon
