| e-texts navigator |
| Wylie |
350b1 སེམས་ཅན་ཐམས་ཅད་དང་།། ཐར་པ་ཆོས་ཀྱི་རྣམ་གྲངས་ཀུན།། སོ་སོར་ཐམས་ཅད་སྣང་བར་སྟེ།། ཀུན་ཀྱང་མཉམ་པའི་ངག་དུ་གསལ།། སྤྱོད་པའི་ལས་དང་རྟོགས་པ་དང་། མཚན་མར་གྱུར་པ་ཐམས་ཅད
350b2 ཀྱང་།། སེམས་ཀྱི་ཕྱི་ནང་སྤྱོད་ཡུལ་དེ།། བརྟགས་ན་ལོངས་སྤྱོད་ཚོགས་སུ་འགྱུར།། མ་སྐྱེས་སྟོང་པའི་སྐུ་ཡི་རྒྱ།། རང་བཞིན་སྨོན་མེད་གསུང་གི་དོན།། མཚན་མེད་ཡིད་ལས་འདས་པའི་ཐུགས།། རྣམ་གསུམ་བདེ
350b3 ཆེན་སངས་རྒྱས་སོ།། མཉམ་པའི་ལྟ་བས་དབང་སྒྱུར་ན།། འཁོར་བ་ཐམས་ཅད་དབྱིངས་ལ་སྣང་།། ལས་ཀུན་རྫོགས་པའི་མཆོག་ཡིན་ཏེ།། གཞན་དུ་ཕྲིན་ལས་ལུས་པ་མེད།། སྡུག་བསྔལ་བྱང་ཆུབ་ཆེན་པོ
350b4 སྟེ།། འཁོར་བ་ཡེ་ནས་མྱང་ངན་འདས།། སྒྲིབ་པ་རྣམ་དག་ཆོས་ཀྱི་དབྱིངས།། ཉོན་མོངས་ཀུན་ཀྱང་བྱང་ཆུབ་དོན།། སྣང་བ་མེད་པའི་དོན་མཐོང་དང་།། ས་དང་ས་ཡི་རིམ་པར་ནི།། འདི་དང་འདི་ཞེས་གཟུང་དུ
350b5 མེད།། འདི་ནི་སྣང་མེད་ཐོབ་པའི་གནས།། སྐུ་དང་གསུང་ཐུགས་མི་གཡོ་བའི།། ཇི་བཞིན་ཉིད་ཀྱི་ངཔལ་གནས།། ཇི་ལྟར་བསྐུར་ཡང་ཆོས་ཉིད་པས།། ཆད་པའི་གནས་ཞེས་བརྗོད་དང་བྲལ།། མེད་དང་ཕྱལ་བ
350b6 གཅིག་པོ་དང་།། ལྷུན་གྱིས་རྫོགས་པའི་དམ་ཚིག་ཆེ།། འདི་ཞེས་རིས་སུ་ཆད་མེད་པ།། འདི་ནི་བསྲུང་བའི་དམ་ཚིག་གོ། སྐུད་དང་སྤྱོད་པར་བྱ་མེད་པས། སྲིད་དང་མུ་སྟེགས་འཇིག་རྟེན་པའི།། སྤྱོད་པར་སྣང
iiif viewer powered by OpenSeadragon
