| e-texts navigator |
| Wylie |
350a1 ཚིག་སྟེ།། འདི་ལྟར་ཤེས་ན་ཚོགས་མཆོག་རྫོགས།། གཟུགས་རྣམས་རྣམ་པར་བ་སྣང་བ་མཛད།། ཚིག་རྣམས་བརྗོད་པ་སྣང་མཐའ་ཡས།། རྣམ་རྟོག་ཀུན་དུ་སེམས་རྡོ་རྗེ།། རིག་དང་ཚོར་བ་རིན་ཆེན
350a2 འབྱུང་།། ཡིད་གཡོ་བྱེད་པ་དོན་ཀུན་རྫོགས།། སྟན་འགན་རང་བཞིན་སྤྱོད་པའི་གནས།། ཞིང་བཅུ་དག་དང་ལྡན་པ་ན།། བདེ་བ་ཆེན་པོའི་ལོངས་སྤྱོད་དེ།། ཐོགས་མེད་ཕྲིན་ལས་རྣམ་བཞིར་རྫོགས།། ཕྱི་ཡི་ཡུལ་དང
350a3 ནང་གི་སེམས།། ཐམས་ཅད་མཉམ་པ་ཉིད་དུ་གནས།། དེ་ལ་སྒྲིབ་དང་མི་སྒྲིབ་ཅེས།། མཉམ་པའི་རྒྱལ་པོས་ཡོད་གསུངས།། ཐམས་ཅད་མཉམ་ཉིད་དབྱིངས་གྱུར་པས།། ཕུང་པོ་ལྔ་དོན་ཡེ་ཤེས་ལྔ།། སྐུ
350a4 གསུང་ཐུགས་ཀྱི་དབང་ཕྱུག་ནི།། ཕྱག་རྒྱ་ཆེན་པོའི་རིག་འཛིན་ཡིན།། ཡུལ་དང་ཡེ་ཤེས་རང་བཞིན་ལས།། གཞན་གྱི་རང་བཞིན་མེད་པས་ན།། མཚན་མའི་རྣམ་པ་ཅིར་སྣང་ཡང་།། དེ་ལ་ཆད་པའི་གནས་མེད
350a5 དོ།། དམ་ཚིག་དམ་པ་གང་ཞེ་ན།། རྟོགས་པ་དམ་པ་དམ་ཚིག་སྟེ།། རྟོག་པར་བྱེད་པ་གང་ཡིན་པ།། དེ་ནི་དམ་ཚིག་ཆེན་པོའོ།། ཐམས་ཅད་མཉམ་པའི་ངང་ལ་གནས། ཏིང་ངེ་འཛིན་གྱི་ཆོ་འཕྲུལ་ལས།། དངོས
350a6 སུ་སྤྱོད་པ་ཐམས་ཅད་བྱ།། དེ་ནི་དམ་ཚིག་ཆེན་པོ་ཡིན།། སྣོད་དུ་གྱུར་པ་ཡུམ་གྱི་དབྱིངས།། བཅུད་རྣམས་རྒྱལ་བ་ཡབ་ཀྱི་མཁའ།། འབྱུང་འཇུག་རིག་པས་ལོངས་སྤྱོད་དེ།། འདི་ནི་རྡོ་རྗེ་ཐ་ཚིག་ཡིན།། སྲིད་པའི
iiif viewer powered by OpenSeadragon
