| e-texts navigator |
| Wylie |
34a1 ཏེ་དོན་དམ་མིན།། ཚིག་ཏུ་སྤྲོས་བྲལ་ཞེས་བྱའོ།། ཕྱི་རོལ་དོན་དུ་ལྟ་བ་གཉིས།། བདག་ཏུ་འཛིན་པ་ལ་སོགས་པ།། ཀུན་རྫོབ་ཡིན་ཏེ་དོན་དམ་མིན།། ཕུང་པོ་ཁམས་དང་སྐྱེ་མཆེད་དང་།། རྟེན་ཅིང
34a2 འབྲེལ་པ་ལ་སོགས་པ།། ཡང་དག་རྫས་སུ་འདོད་པ་དེ།། རྡུལ་ལས་གྲུབ་པའི་མཚན་ཉིད་དང་།། དེ་ལས་དེ་བྱུང་ཆོས་བདག་ཉིད།། དོན་དམ་པ་ཡི་རང་བཞིན་ནོ།། གཟུང་དང་འཛིན་པ་རྣམ་སྤངས་པའི།། ཤེས་བྱ
34a3 ནང་གི་འདོད་པ་དག། རྡུལ་ཉིད་ཕྱོགས་ཆས་མི་འགྲུབ་ཅིང་།། གཅིག་མིན་དུ་མ་མ་ཡིན་ནོ།། ཀུན་ཏུ་བརྟགས་པའི་བདག་ཉིད་ནི།། ཡང་དག་མིན་ཏེ་ཀུན་རྫོབ་ཡིན།། གཞན་གྱི་དབང་གི་ངོ་བོ་ཉིད།། ཡོངས་སུ་གྲུབ
34a4 པ་ཞེས་བྱ་བ།། དོན་དམ་བདེན་པ་ཞེས་བྱའོ།། སྟོང་པ་ཆེན་པོའི་རང་བཞིན་ནི།། ཆོས་བདག་མེད་པར་མཉམ་ཉིད་པས།། རང་སེམས་གཟོད་ནས་མ་སྐྱེས་པ།། རང་བཞིན་ཅན་གྱི་ཀུན་རྫོབ་སྟེ།། དོན་དམ་སྟོང་པ
34a5 ཉིད་ཡིན་པས།། རང་བཞིན་རང་བཞིན་མེད་པའོ།། བྱ་བ་དང་ནི་གཉིས་ཀའི་རྒྱུད།། ཕྱི་རོ་ལ་སྤྱོད་པའི་བྱ་བ་དག། ཁྲུས་དང་གཙང་སྒྲ་ལ་སོགས་པ།། ཀུན་རྫོབ་ཡིན་ཏེ་དོན་དམ་མིན།། མཚན་མ་དག་ལ་རྟེན་བཅས
34a6 ནས།། མཚན་མ་མེད་པ་འགྲུབ་པ་དང་།། ནང་གི་དག་པར་སྦྱོར་བ་ནི།། ཡང་དག་བདེན་པ་ཞེས་བྱའོ།། རྣལ་འབྱོར་རྒྱུད་ནི་ཐམས་ཅད་ཀུན།། སྣང་ལ་རང་བཞིན་མེད་པ་སྟེ།། འཁོར་ལོ་བདག་ཉིད་ཐམས་ཅད
iiif viewer powered by OpenSeadragon
