| e-texts navigator |
| Wylie |
349b1 པའི་རྒྱུ།། རྨད་དུ་བྱུང་བའི་མཆོད་པའོ།། འཁོར་བ་དུར་ཁྲོད་གནས་འདི་དག། བདེ་བ་ཆེན་པོའི་གནས་ཡིན་ཏེ།། མ་ནོར་མ་བཅོས་ཆོས་ཀྱི་དབྱིངས།། བཙལ་མེད་ལྷུན་གྱིས་གྲུབ་པ་ལ།། དུག་ལྔ་རྒྱུ་བའི་རྩ་བ
349b2 དག། ཡེ་ཤེས་ལྔ་ཡི་རྩ་བ་སྟེ།། ཀུན་ཤེས་ཀུན་རིག་གསལ་བའོ།། རང་རིག་ཡེ་ཤེས་རང་ལས་བྱུང་།། རྣལ་འབྱོར་ཆོས་མིག་ལྡན་པ་ཡིས།། ངེས་པའི་དོན་དུ་འདི་ལྟར་བལྟའོ།། འདི་ནི་རྒྱུན་གྱི་དམ་ཚིག་སྟེ།། བརྗོད
349b3 དུ་མེད་པ་བསྲུང་བའོ།། བསྲུང་བ་ཐུབ་པར་བྱ་བ་ལ། དམ་ཚིག་རྩལ་གྱི་ཁྱད་པར་ནི།། གང་དག་རིག་པ་འཛིན་པ་ཡི།། བློ་ལ་ངེས་པའི་ལུང་དུ་བསྟན།། འདོད་པས་ཆགས་དང་འཇོམས་པ་དང་།། གཏི་མུག་ང་རྒྱལ
349b4 ཕྲག་དོག་རྣམས།། རྣལ་འབྱོར་ཆེན་པོའི་དམ་ཚིག་སྟེ།། དོན་དང་ལྡན་པའི་སྐྱེས་བུས་སྨྲ།། སྦྱོར་དང་སྒྲོལ་བར་བྱེད་པ་དང་།། མ་བྱིན་ལེན་དང་ངག་སྤྲུལ་བྱེད།། རྣལ་འབྱོར་དམ་ཚིག་སྤྱོད་པའི་མཆོག། སྤྱད་པར་བྱ།
349b5 བའི་ལས་ཡིན་ནོ།། རྒྱལ་བ་སེམས་ཅན་ཐམས་ཅད་དང་།། དངོས་པོར་བརྟགས་པ་ཐམས་ཅད་ཀྱང་།། དོན་གྱི་ངང་དུ་གཅིག་པ་སྟེ།། དེ་ཉིད་སྐུ་གསུང་ཐུགས་ཀྱི་བདག། མཚན་མའི་ཆོས་རྣམས་ཐམས་ཅད
349b6 ནི།། མཉམ་པ་ཆེན་པོའི་ངང་དུ་གསལ།། ཐེག་པ་འོག་མའི་ཁྱད་པར་རྣམས།། ཀུན་ཀྱང་རང་རིག་བློ་ལ་གསལ།། ཡོན་ཏན་ཅི་འབྱུང་མི་བརྗོད་ཅིང་།། འོག་མ་རྣམས་ལ་མི་སྨོད་ཅིང་།། ཐམས་ཅད་མཉམ་པའི་དམ
iiif viewer powered by OpenSeadragon
