| e-texts navigator |
| Wylie |
348a1 ནི་བྲེག་པའི་རིགས་མ་ཡིན།། གངས་ཀྱི་ཞུན་ཆུ་ཁོལ་མ་དག། མཁས་པས་བཏུང་བར་བྱ་བ་མིན།། པདྨའི་ཟེའུ་འབྲུ་ཁ་མ་བྱེ།། ཟླ་ཟེར་མ་ཡིན་ཁ་མི་དབྱེ།། མ་བརྟགས་བུག་རྡོལ་ཅན་གྱི་སྣོད།། ཁ
348a2 མི་དབྱེ་ཞིང་བཅུད་མི་བླུགས།། དོན་དང་མི་ལྡན་བཅོས་མའི་རྟགས།། བསྲེལ་ཞིང་སྤྱད་པར་བྱ་བ་མིན།། ཤེལ་དཀར་རིན་ཆེ་སྒོ་ང་དག། འདམ་རྫབ་ཁུང་དུ་བསྲུབ་མི་བྱ།། སེང་གེ་དཀར་མོའི་འོ་མ་དག། དུག་ཅན
348a3 སྣོད་དུ་བླུགས་པ་མིན།། ཡིད་བཞིན་ནོར་བུ་རིན་པོ་ཆེ།། བསྲེག་པར་བྱ་བ་ཡོད་མ་ཡིན།། ཁྱུང་ཆེན་གཤོག་པ་མཁར་བརྐྱང་བ།། དེ་དག་གཅག་པར་བྱ་བ་མིན།། གནམ་ལྕགས་མེ་ཡི་ངུར་མོ་དག། བརྡབ་པར་བྱ་བ
348a4 མ་ཡིན་ནོ།། སྟེགས་གཟིགས་འདྲོལ་བས་ལས་བྱས་པའི།། ལས་ཀྱི་ལྷག་མ་བསྡུ་མི་བྱ།། རྡོ་རྗེ་བྲག་ཆེན་གཏམས་པའི་གཞི།། དེ་དག་གཞིག་པར་བྱ་བ་མིན།། རྡོ་རྗེ་ར་བའི་གོ་ཚགས་ནི།། བསྡམ་བྱ་བྲལ་བར་བྱ་བ
348a5 མིན།། བུད་ཤིང་སྲེག་པའི་སྒྲོན་མ་དག། གཡེང་བའི་རླུང་གིས་བསྐྱོད་མི་བྱ།། རྡོ་རྗེ་ཚིག་གི་ཆུ་རྒུན་དག། འོལ་ཀར་གཅད་པར་བྱ་བར་མིན།། རྒྱལ་པོའི་བཀའ་རྟགས་ཕྱག་རྒྱ་དག། ནམ་ཞར་དབྱི་བར་མི་བྱའོ།།
348a6 རྗེ་ཕ་ལམ་གཏམས་པའི་མཁར།། རྨང་ནས་བཟློག་པར་མི་བྱའོ།། གཙུགས་གི་ནོར་བུ་འབར་བ་དག། རྒྱལ་མཚན་རྩེ་ལས་དཔོན་མི་བྱ།། རྣལ་འབྱོར་ལས་ཀྱི་ཕྱེད་པར་ཅན།། སྐལ་ཅན་རྣམས་ཀྱི་དམ་ཚིག་སྟེ།། སྐལ
iiif viewer powered by OpenSeadragon
