| e-texts navigator |
| Wylie |
345b1 ཏན་བརྗོད།། དེ་ལ་འགྲོ་གང་གཞན་དག་གིས།། དེ་ལྟར་འདོད་པ་འབྱུང་གྱུར་ན།། དེ་ལྟར་ཅུང་ཟད་ཡོད་དམ་ཞེས། དྲིས་ཀྱང་མེད་པས་སླར་སྨྲས་པ།། གང་ཞིག་དགོས་པ་སྐོང་བ་ཡི།། ཡོན་ཏན་ཅུང་ཟད་སྨོས་པ
345b2 ཟད།། དེ་ཉིད་བདག་ལ་མེད་ཅེས་སྨྲ།། དེ་བཞིན་རྣལ་འབྱོར་མི་བརྩོན་པས།། བསླབ་པར་བྱ་བའི་ཆོས་བྲལ་ལ།། ཆོས་ཉིད་བསྔགས་པ་རྗོད་བྱེད་ཀྱང་།། དེ་དག་ལ་ནི་ཆོས་ཉིད་མེད།། དེ་ལས་སྤྱོད་པའི་ལོག་སྤྱོད
345b3 རྣམས།། དམ་ཚིག་ཅན་གྱིས་སྤང་བར་བྱ།། རྣལ་འབྱོར་ཆོས་འཛིན་གང་དག་གིས།། རྣལ་འབྱོར་ཉམས་འགྱུར་ལོག་སྲེག་ཅན།། གསང་བ་འཇིག་པའི་དགྲར་མཐོང་ནས།། དེ་དག་སྡིག་པ་མཐོང་བ་ལྟར།། སྐྲོད་ཅིང
345b4 ཆད་པས་གཅོད་བྱེད་པ།། སྐྱེས་བུ་དེ་ནི་རྒྱལ་བའི་སྲས།། དཔེར་ན་བློན་པོ་གང་དག་གིས།། ཉེས་བྱས་ཁྲིམས་དང་འགལ་འགྱུར་ན།། འགལ་བར་མི་གཏོང་ཁྲིམས་དང་སྦྱོར།། བཀའ་ཡི་ཡོ་སྲོང་བློན་པོ་དེ།། རྒྱལ
345b5 པོའི་ཐུགས་འཛིན་དམ་པ་ཞེས།། ཀུན་དུ་རྒྱ་ཆེར་གྲགས་པར་འགྱུར།། ལྡུམ་རར་དུག་གི་སྡོང་སྐྱེས་ན།། བདག་པོས་དུག་ཏུ་ཤེས་མ་ཟག། རྩད་ནས་ཕྱུང་སྟེ་མེད་པར་བྱེད།། ཅི་ཕྱིར་ལྡུམ་ཟས་དེ་དག་ལས།། དུག
345b6 འཕེལ་གྱུར་ན་འཆི་ཕྱིར་རོ།། དེ་བཞིན་ཉམས་འགྱུར་དུག་ཅན་དེ།། བརྟུལ་ཞུགས་ཅན་གྱི་རྣལ་འབྱོར་དེས།། གནས་སམ་ལོ་ཡིས་སྤྱུགས་ཏེ་སྤང་།། གང་དག་མི་སྤོང་མགོན་བྱེད་པ། དེ་དག་གསང་བའི་དམ་སྲི
iiif viewer powered by OpenSeadragon
