| e-texts navigator |
| Wylie |
345a1 པ།། ལམ་སྟོན་སྐྱོན་སེལ་མཁས་པ་ལ།། ཁ་ཅིག་དྲེགས་དང་ཕྲག་དོག་གིས།། ཁྲོ་སྤོང་ཟབས་ཀྱིས་སྨོད་པར་བྱེད།། དེ་ནི་འཁོར་བའི་གཏིང་རྡོ་སྟེ།། ནམས་ཀྱང་ཐར་པའི་ཁར་མི་འབྱུང་།། མི་ཤེས་པ་ཡི
345a2 རྣལ་འབྱོར་པ། ཡང་དག་དོན་དང་ལྡན་པའི་མི།། རྗེས་སུ་འགྲོ་བར་མི་བྱེད་ཅིང་།། ལོངས་སྤྱོད་འདུ་འཛི་གང་ལྡན་པའི།། རྗེས་སུ་འགྲོ་ཞིང་དེ་ལ་འདུད།། དེ་ནི་ལོག་པའི་ལམ་པ་ཡིན།། རྣལ་འབྱོར་ལྟར་དང་བྱང
345a3 ཆུབ་ཁེ།། འབན་ཐག་ཆད་པར་བློ་མི་འབྱུང་།། ཟང་ཟིང་ནོར་དང་གཡོ་སྦྲུལ་ཁེ།། ཆུང་ཡང་ཅིས་འགྲུབ་སྲོག་དང་སྔོ།། རྣལ་འབྱོར་མཁས་པའི་རང་བཞིན་ཅན།། བུམ་སྣོད་ནང་གི་གསལ་བ་ལྟར།། ཤེས་རབ་མཛོད
345a4 ཀྱི་གཏེར་ལྡན་ཡང་།། སྲོག་ཆགས་རྐུན་མོའི་སྡེར་མོ་ལྟར།། ཁོང་ནས་གབ་སྦས་དོན་སྟོན་ལ།། བླུན་པོ་རྣམས་ཀྱིས་ཅིར་མི་མཐོང་།། དཔེར་ན་འདི་འདྲར་ཚུལ་གཅིག་སྟེ།། ལུས་ལ་གཏེར་འཆག་མི་དང་ནི།། བླུན
345a5 པོར་གྱུར་པའི་མི་དག་གནས།། འགྲོགས་ཀྱང་གཉིས་མཚུངས་ཁྱད་པར་འདྲ།། ཏིང་འཛིན་བསྔགས་པ་རྗོད་བྱེད་ཅིང་།། ཏིང་འཛིན་དོན་དུ་གཉེར་བ་མེད།། ཡང་དག་བསྔགས་པ་རྗོད་བྱེད་ཅིང་།། ཡང་དག་དོན་དུ
345a6 གཉེར་བ་མེད།། དམ་ཚིག་བསྔགས་པ་རྗོད་བྱེད་ཅིང་།། དམ་ཚིག་དོན་དུ་གཉེར་བ་མེད།། ཇི་ལྟར་འགྲོ་གང་ལ་ལ་དག། ནོར་བུ་རིན་ཆེན་འདི་འདྲ་སྟེ།། འདོད་པའི་ཡོན་ཏན་ཀུན་འབྱུང་ཞེས།། རིན་ཆེན་དག་གི་ཡོན
iiif viewer powered by OpenSeadragon
