| e-texts navigator |
| Wylie |
343a1 འཕྲུལ་ཆོས་ཀྱི་སྒྲ་སྒྲོགས་པས།། མཐོང་ཡོད་སྣང་གྲགས་ཆོས་རྣམས་ཀུན།། ཀུན་ཀྱང་སྔགས་ཀྱི་སྒྲར་གྲག་པས།། སྔགས་སུ་མ་གྱུར་གང་ཡང་མེད།། དེས་ན་རྩལ་གྱི་ཁྱད་པར་ལས།། སོགས་པའི་ཡོན
343a2 ཏན་ཐམས་ཅད་འབྱུང་།། ཞེས་སྨྲ་བའི་སེང་གེ་ཆེན་པོ་སེམས་དཔའི་རྡོ་རྗེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་ཆོ་འཕྲུལ་བསྟན་པའི་ལེའུ་སྟེ་གསུམ
343a3 པའོ།། །། དེ་ནས་སྨྲ་བའི་སེང་གེ་སེམས་དཔའི་རྡོ་རྗེ་དེ་མི་འདའ་བའི་དམ་ཚིག་གསང་བ་ཆོག་གི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་ཏིང་ངེ་འཛིན་དེ་ལས་བཞེངས་པར་གྱུར་པ་དང་། འདུས་པའི
343a4 རྣལ་འབྱོར་ཆེན་པོ་རྣམས་ཀྱིས་འདི་སྐད་ཅེས་གསོལ་ཏོ།། སྨྲ་བའི་སེང་གེ་སེམས་དཔའ་ཆེན་པོ་ཁྱོད་ཉིད་ནི་དམ་ཚིག་ཆེན་པོའི་བདག་ཉིད་དུ་བདག་ཅག་རྣམས་ཀྱིས་མཐོང་ངོ་།། དེ་སྐད་ཅེས་གསོལ་པ་དང་། སེམས
343a5 དཔའ་ཆེན་པོ་དེས་བཀའ་སྩལ་པ། འདུས་པའི་རྣལ་འབྱོར་རྣམས་ཆོས་ཐམས་ཅད་ཀྱི་སྲོག་ནི་དམ་ཚིག་ཡིན་པར་ཤེས་པར་གྱིས་ཤིག། དེ་ནས་འདུས་པ་ཆེན་པོའི་ཚོགས་ཀྱིས་སེམས་དཔའ་ཆེན་པོ་ལ་འདི་སྐད་ཅེས
343a6 གསོལ་ཏོ།། སེམས་དཔའ་ཆེན་པོ་དམ་ཚིག་མཆོག་གི་གསང་བ་རྣམས་བདག་ཅག་རྣམས་ཐོས་པར་འཚལ། ཐོས་ནས་ཀྱང་རྟོགས་པ་འཚལ། རྟོགས་ནས་ཀྱང་དེ་ལ་གནས་པར་འཚལ་ན།། སེམས་དཔའ་ཆེན་པོ་རྒྱ
iiif viewer powered by OpenSeadragon
