| e-texts navigator |
| Wylie |
342b1 ལྟས་བཤད་པ་ཡིན།། རྣལ་འབྱོར་ལས་ཀྱི་དང་པོ་ལ།། ལྟས་ཆེན་འདི་དག་གང་བྱུང་ཡང་། འཁོར་བའི་འདུ་འཛིན་ཀུན་བསལ་ནས།། དོན་ལ་རྟོགས་ཤིང་ས་རྣམས་སྦྱོང་།། དེ་ནི་དོན་ལ་རེག་པར་འགྱུར།། དོན་ལ
342b2 རིག་པའི་བྱིན་རླབས་ཀྱིས།། རིག་འཛིན་རྡོ་རྗེར་ལྷུན་གྱིས་གྲུབ།། རིག་འཛིན་ས་ལ་གནས་པ་དང་།། ས་ལ་རྩལ་ཆེན་སྦྱོང་བའི་ཚེ།། རྩལ་གྱི་ཆོ་འཕྲུལ་སྣ་ཚོགས་འབྱུང་།། ཉི་ཟླ་ཞོན་ནས་འགྲོ་བ་དང་།། རི་རབ་རྐེད
342b3 ནས་གསོར་བ་དང་། འཇིག་རྟེན་རྒྱང་མར་འཕང་བ་དང་།། སྲེག་པའི་བསྐལ་པ་གཞིལ་བ་ལ།། སོགས་པའི་ཆོ་འཕྲུལ་ཐམས་ཅད་ཀུན།། ཁྱད་པར་རྩལ་གྱིས་སྟོན་པར་ནུས།། དེ་ལ་སོགས་པའི་རྫུ་འཕྲུལ
342b4 རྣམས།། རྫུ་འཕྲུལ་གྱི་ནི་ཆོ་འཕྲུལ་ཡིན།། རྗེས་སུ་བསྟན་པའི་ཆོ་འཕྲུལ་ནི།། འདུལ་བའི་འགྲོ་བ་ཐམས་ཅད་ལ།། སོ་སོའི་སྐད་དང་ཆོས་མཐུན་པར།། འདུལ་བའི་སྒོ་ནི་སྣ་ཚོགས་སུ།། སོ་སོའི་སྐད་དུ་སྟོན
342b5 པར་ནུས།། དེ་དག་རྗེས་སུ་བསྟན་པ་ཡིན།། ཆོས་ཀྱི་སྒོ་རྣམས་སྣང་བ་ཡི།། ངེས་པའི་ཆོ་འཕྲུལ་བསྟན་པ་ནི།། ཏིང་འཛིན་རྩལ་གྱི་ཁྱད་པར་གྱིས།། འཇིག་རྟེན་ཁམས་རྣམས་གཡོས་ནས་ཀྱང་།། ཐམས་ཅད་ཐོ
342b6 མཚར་སྐྱེ་འགྱུར་ཏེ།། སེམས་ཀྱི་བསམ་པར་རངས་བྱས་ནས།། སོ་སོ་དགའ་བའི་རོ་མྱང་འགྱུར།། ཆོས་རྣམས་སྣང་བའི་ཆོ་འཕྲུལ་ཡིན།། ཀུན་ནས་ཀུན་དུ་བརྗོད་པ་ནི།། གསང་བའི་ཡི་གེའི་ཕྲེང་བ་ལས།། རྫུ
iiif viewer powered by OpenSeadragon
