| e-texts navigator |
| Wylie |
342a1 འབེབས་པ་དང་།། མེ་ལོང་དག་ལ་ལྟ་བ་དང་།། ཤེལ་གྱི་བུམ་པ་གང་བ་ལ།། ལྟ་ཞིང་བརྟགས་ཏེ་འཐུང་བ་དང་།། རིན་ཆེན་ནོར་བུ་ཐུ་བ་དང་།། འཁོར་ལོ་ལག་ཏུ་བབས་པ་དང་།། ཉི་ཟླ་ལག་པས
342a2 ཟིན་པ་དང་།། རི་རབ་ཀླད་ལ་སྐོར་བ་རྣམས།། ཆོས་ལ་དབང་ཐོབ་སྔ་ལྟས་སོ།། བདེན་པ་མཐོང་བའི་སྔ་ལྟས་ཀྱང་།། སྔོན་མ་མཐོང་གི་ཡུལ་མཐོང་དང་།། སྟོང་གསུམ་རྒྱ་ཆེར་མཐོང་བ་དང་།། གླིང་རྣམས་གཞན་དུ
342a3 ཕྱིན་པ་དང་།། རི་རབ་ཁ་ལ་ཕྱིན་པ་དང་།། ནམ་མཁའ་རྒྱ་ཆེར་མཐོང་བ་དང་།། རྒྱ་མཚོའི་གཏིང་དུ་ཕྱིན་པ་དང་།། ལག་ན་སྒྲོན་མེ་ཐོགས་པ་དང་།། ཉི་མའི་སྙིང་པོར་ལྟ་བ་དང་།། སྣང་སྲིད་དཔྱོད་པ་བྱེད་པ
342a4 རྣམས།། ཆོས་ལ་དབང་ཐོབ་ལྟས་ཆེན་ཡིན།། ལུང་བསྟན་ཐོབ་པའི་སྔ་ལྟས་ནི།། རོལ་མོའི་སྒྲ་རྣམས་ཟོས་པ་དང་།། འབྲུག་གི་སྒྲ་ནི་གྲགས་པ་དང་། སེང་གེའི་ང་རོ་གྲག་པ་དང་།། ཆོས་ཀྱི་སྒྲ་ཡི་གཏམ་ཐོས
342a5 དང་།། གཟུགས་བརྙད་ཞལ་ནི་འཛུམ་པ་དང་།། སངས་རྒྱས་གསུང་ཐོས་སྐུ་མི་མཐོང་།། ལྷ་མོ་གླུ་དབྱངས་སྒྲོགས་པ་དང་།། གཞལ་ཡས་དག་ལས་སྒྲ་འབྱུང་དང་།། གྲོགས་པོ་གྲོགས་པོ་ཞེས་བརྗོད་ཅིང་།། ཆོས་ཀྱི
342a6 འགྲོ་བ་བྱེད་པ་རྣམས།། ལུང་བསྟན་འབྱུང་བའི་སྔ་ལྟས་སོ།། དེ་ལ་སོགས་པའི་མཚན་མ་རྣམས།། ལྟས་ཆེན་ཀུན་ཏུ་སྣང་བ་དང་།། གང་ཟག་ལས་ཀྱི་དང་པོ་རྣམས།། རིག་འཛིན་སོ་སོའི་ས་པ་ནི།། འགྱུར་བའི་སྔ
iiif viewer powered by OpenSeadragon
