| e-texts navigator |
| Wylie |
341a1 ཡང་རྙེད་པར་འགྱུར།། དེ་དག་རུང་བའི་སྔ་ལྟས་སོ།། འགྲོ་གང་འདུ་བའི་སྔ་ལྟས་ཀྱང་།། ཀུན་གྱིས་བཀུར་ཞིང་དགའ་བ་དང་།། ཀུན་གྱི་ཡིད་དུ་འོང་བར་འགྱུར།། ཐམས་ཅད་འདུལ་ཞིང་ཐམས་ཅད
341a2 ལ།། དབང་སྒྱུར་བྱེད་པའི་མཆོག་ཏུ་འགྱུར།། དེ་དག་སྔ་ལྟས་ཆེན་པོ་ཡིན།། མཚན་མ་པྲ་ཡི་རྨི་ལྟས་ཀྱང་།། ཤིན་ཏུ་རྒྱ་ཆེར་འབྱུང་བ་སྟེ།། རྣལ་འབྱོར་ཅན་གྱིས་ཤེས་པར་གྱིས།། བག་ཆགས་བྱང་བའི་སྔ་ལྟས
341a3 ཀྱང་།། རྟག་པར་གཅེར་བུར་འབྱུང་བ་དང་།། ཁྲུས་ཆེན་རྟག་ཏུ་བྱེད་པ་དང་།། དྲི་མའི་ཚོགས་རྣམས་དག་པ་དང་།། ཆུ་བོ་དག་ལས་རྒལ་བ་དང་།། མཚོ་ཆུ་དག་ལ་རྐྱལ་བ་དང་།། ཆར་གྱི་རྒྱུན་གྱིས་འཁྲུ་བ
341a4 དང་།། གཞན་གྱིས་བུམ་པ་གང་བའི་ཆུས།། བདག་གི་ལུས་ལ་ལྡུགས་པ་དང་།། མེ་དཔུང་ཆེན་པོས་སྲེག་པ་དང་།། ཤིན་ཏུ་མཐོན་པོའི་རྩེ་དག་ལས།། རླུང་གིས་ཤིན་ཏུ་གཡེང་ཞིང་འཐོར།། འདི་དག་བག་ཆགས
341a5 བྱང་བའི་ལྟས།། འཇིགས་དང་བྲལ་བའི་སྔ་ལྟས་ནི།། གཡུལ་འགྱེད་པ་ལས་སླར་ལོག་དང་།། ནད་ལས་ཐར་ཏེ་སོས་པ་དང་།། བཙོན་ར་དག་ལས་ཐར་བ་དང་།། གཤེད་མའི་ལག་ནས་ཤོར་བ་དང་། གཅན་གཟན
341a6 ནང་ནས་བྲོས་པ་དང་།། དུག་ནད་དག་ལས་སོས་པ་དང་།། བཅིངས་པ་དག་ལས་གྲོལ་བ་དང་།། ཐག་པ་བཅད་པར་གྱུར་པ་རྣམས།། མཚན་མ་བཟང་པོའི་སྔ་ལྟས་ཡིན།། ས་རྣམས་ཐོབ་པའི་སྔ་ལྟས་ནི། ཁྲི་རྐང
iiif viewer powered by OpenSeadragon
