| e-texts navigator |
| Wylie |
33a1 བསྒོམ་པ་ཡིན།། དེ་དང་དེ་རུ་རྣམ་བཙལ་ནས།། དེ་ལས་དེ་བཞིན་དོན་མི་འབྱུང་།། དེ་ནི་སྙིང་པོ་དེ་བས་ན།། དེ་ལས་དེ་འབྱུང་ངོ་མཚར་ཆེ།། ཕུང་པོ་ལྔ་ཉིད་སངས་རྒྱས་གཙོ།། འབྱུང་བ་ལྔ་ཉིད
33a2 རིགས་ཀྱི་ཡུམ།། དབང་པོ་ཡུལ་དུས་རིག་པ་རྣམས།། བྱང་ཆུབ་སེམས་དང་ཁྲོ་བོའི་ཚོགས།། ཉོན་མོངས་ལྔ་པོ་བྱང་ཆུབ་ལམ།། ཐམས་ཅད་ཀུན་ཏུ་བཟང་པོའི་ཞིང་།། སངས་རྒྱས་ཉིད་ལས་གཞན་མ་ཡིན།། དམ་པ
33a3 ཉིད་དུ་བཙལ་མེད་དེ།། ཀུན་རྫོབ་ཏུ་ཡང་བཙལ་མེད་དེ།། དམ་པའི་དོན་ལ་གང་འཇུག་པས།། གསང་བ་ཨཱཿཡི་དོན་ཉིད་ལས།། གསང་བ་ཨཽ་ཉིད་དམིགས་པ་ན།། གདམས་ངག་ངེས་པ་ཟབ་མོ་ཡིས།། བཙལ་བ
33a4 མེད་པའི་བཙལ་བ་དང་།། མི་བསྒོམ་པ་ཡི་བསྒོམ་པ་དང་།། མི་གནས་པ་ཡི་ཚུལ་དུ་གནས།། མཉམ་གཞག་མེད་པའི་ཚུལ་གྱི་ནི།། རྟག་པར་ཉིད་དུ་མཉམ་པར་གཞག། དགེ་དང་མི་དགེ་གཉིས་མེད་དེ།། བྱང་ཆུབ
33a5 ནམ་མཁའི་མཚན་ཉིད་དོ།། བྱང་ཆུབ་བཙལ་བས་རྙེད་མིན་ཏེ།། བྱང་ཆུབ་འདོད་ལ་བྱང་ཆུབ་མེད།། ཡང་དག་དོན་གྱི་སྙིང་པོ་འདི།། བསྒོམས་པས་རྙེད་པར་མི་འགྱུར་ཏེ།། མ་བསྒོམས་པས་ཀྱང་རྙེད་མི
33a6 འགྱུར།། བཙལ་བ་མེད་པའི་བསྒོམ་པ་ཡིས།། ཉལ་བའི་འཁོར་ལོ་ཉིད་དུ་བྱ།། ཆོས་རྣམས་མ་ལུས་སེམས་ཀྱི་ངང་།། སེམས་དེ་རང་བཞིན་གཞན་ན་བསྒོམ།། དངོས་མེད་བྱང་ཆུབ་སེམས་ཀྱི་ངང་།། འདུས་མ་བྱས
iiif viewer powered by OpenSeadragon
