| e-texts navigator |
| Wylie |
339b1 ཉིད་མཐོང་བ་ན།། ཚིག་ལ་དགའ་བ་མི་སྐྱེ་ཞིང་།། དོན་ཉིད་ཉེ་བར་འཛིན་པར་བྱེད།། དོན་མཐོང་བ་དང་ཡེ་ཤེས་སྐྱེ།། ཡེ་ཤེས་སྐྱེས་པར་གྱུར་པ་དང་། དངོས་པོར་སྣང་བ་ཐམས་ཅད་ཀུན།། སྒྱུ་མ་བཞིན་དུ་ཤེས
339b2 པར་འགྱུར།། སྒྱུ་མ་ཙམ་དུ་ཞེས་པ་ལ།། བརྟེན་ནས་ཆོས་ཉིད་དོན་བལྟས་ན།། སྣང་བ་མེད་པའི་དོན་ཉིད་ནི།། སྣང་བ་མེད་པར་མཐོང་བར་འགྱུར།། སྣང་མེད་སྲིད་པ་མཐོང་བའི་ཚེ།། ཆོ་འཕྲུལ་རྒྱུ་བ་ཐམས་ཅད
339b3 འབྱུང་།། དེ་ཉིད་བདེན་པའི་སྔ་ལྟས་སོ།། དེ་ནས་ཉི་མའི་འོད་ཟེར་གྱི།། རྡུལ་ཕྲན་འདྲ་བའི་མཚན་མ་འབྱུང་།། དེ་ནི་གཡོ་བའི་སྔ་ལྟས་སོ།། དེ་ནས་སྨིག་རྒྱུ་ལྟ་བུར་འབྱུང་།། དང་པོའི་དྲོད་ཅེས་བྱ་བར་ཤད།། དེ་ནས
339b4 མཚོ་ཡི་རླབས་ལྟར་འབྱུང་།། བར་གྱི་དྲོད་ཅེས་བྱ་བར་བཤད།། དེ་ནས་རླུང་ཆེན་ལྟ་བུར་ཡང་།། ཐོགས་པ་མེད་པར་འབྱུང་བར་འགྱུར།། ཐ་མའི་དྲོད་ཅེས་བྱ་བར་བཤད།། དེ་ནས་ཡིག་འབྲུའི་དྲོད་སྤྲོས་པས།། ཆར
339b5 ཆེར་འབབ་པ་ལྟ་བུར་འབྱུང་།། དེ་ནི་ཐོབ་པའི་དྲོད་ཅེས་བྱ།། དེ་ནས་མཁའ་ལ་སྤྲིན་ལྡིང་བཞིན།། ཏིང་འཛིན་རྩལ་འཕང་མཐོ་བར་འགྱུར།། དེ་ནི་ཤིན་ཏུ་བརྟན་པའི་དྲོད།། དེ་ནས་ཏ་ལ་གཅིག་ཙམ་དུ།། བདག་གི
339b6 ལུས་ནི་དབང་མེད་པར།། མཁའ་ལ་འཕར་ཞིང་འཕགས་པ་རྩོལ།། འདི་ནི་ཤིན་ཏུ་གསལ་བའི་དྲོད།། དེ་ནས་ས་ཆེན་གཡོ་བ་ལྟར།། ཤིན་ཏུ་ཡམ་ཡོམ་མར་མེར་འབྱུང་།། འདི་ནི་དང་པོའི་རྟགས་ཤེས་བྱ།། དེ་ནས
iiif viewer powered by OpenSeadragon
