| e-texts navigator |
| Wylie |
338b1 ཡང་དག་ངེས་པའི་དོན་མཐོང་བའི་སྔ་ལྟས་ཡིན་ནོ་ཞེས་གསུངས་པའི་ལས། རྣལ་འབྱོར་གྱི་ཚོགས་ཀྱིས་གསོལ་པ། སེམས་དཔའ་ཆེན་པོ་ས་ནོན་པའི་སྔ་ལྟས་ནི་ཇི་ལྟ་བུ་ལགས། དོན་མཐོང་བའི་སྔ་ལྟས་ནི་ཇི་ལྟ་བུ
338b2 ལགས། བདག་ཅག་རྣམས་ལ་བཤད་དུ་གསོལ་ཞེས་ཞུས་པ་ལས་སེམས་དཔའ་རྡོ་རྗེས་བཀའ་སྩལ་བ། འདུས་པ་ཆེན་པོའི་ཚོགས་ལེགས་སོ།། ཁྱོད་ཀྱིས་ཞུས་པའི་དོན་རྒྱ་ཆེར་བཤད་པར་བྱའོ།། རྣ་བ་ལྷོགས་ལ
338b3 གུས་པར་ཉོན་ཅིག། སྒྲུབ་པ་དོན་གྱི་རྣལ་འབྱོར་པ།། རྣལ་འབྱོར་དོན་ལ་སྦྱོར་བའི་ཚེ།། སྤྲད་པའི་ལས་ཀྱི་ཁྱད་པར་གྱིས།། ཁམས་དང་ས་ནི་གར་འགྲོ་བ།། མདོ་དོན་ཚུལ་ལྔས་ལུང་བསྟན་ནོ།། ངེས་པའི་སྔ་ལྟས
338b4 བྱུང་བ་ཡི།། འབྲས་བུ་དོན་གྱི་ཁྱད་པར་ཡང་།། ཆོ་འཕྲུལ་སྣ་ཚོགས་སྟོན་པར་ནུས།། དེ་ནས་ཡང་དག་བདེན་པ་འཐོབ།། ངེས་པའི་སྔ་ལྟས་རྣམ་པ་ལྔ།། རྒྱུ་ཡི་དུས་ན་འབྱུང་བ་ནི།། ཚིག་གི་བརྗོད་པ་འདི་ལྟ་སྟེ།། བློ
338b5 རྩལ་ལས་ཀྱི་ཁྱད་པར་ཡང་། སྣང་བ་ལུས་ཀྱི་སྔ་ལྟས་དང་།། ངོ་མཚར་རྫས་རྙེད་ཚུལ་རྟགས་དང་། མཚན་མ་སྒྲ་ཡི་རྨི་ལྟས་དང་། འདུན་པ་མང་པོའི་སྔ་ལྟས་ཀྱིས།། འབྲས་བུ་གང་དང་གང་འགྲུབ་པ།། མཚན་མ
338b6 གསལ་བར་རྒྱུད་ལས་འབྱུང་།། དཔེར་ན་མེ་ཡི་སྔ་ལྟས་ནི།། དུ་བའི་མཚན་མ་རྒྱས་པར་འབྱུང་།། དུ་བ་གང་བྱུང་གནས་དེ་ནི།། མི་ཉིད་ཡོད་པར་ངེས་པ་ཡིན།། དེ་བཞིན་ཆུ་ཡི་སྔ་ལྟས་ཀྱང་།། རླངས་དང་སྔབས་དང
iiif viewer powered by OpenSeadragon
