| e-texts navigator |
| Wylie |
337b1 སམ་ཕྱེ་མར་བྱས་ནས་ཀྱང་། རླུང་གི་མཐུ་ཡིས་བཏོར་བྱས་ན།། དེ་ལ་རང་བཞིན་ལ་ག་ཡོད།། དཔེར་ན་མེ་ཡི་རང་བཞིན་དག། ཚང་ཚིང་སྦར་སྦུར་ཀུན་སྲེག་ཅིང་།། འབར་འཕྲོ་སྣང་གསལ་མཆེད་བྱེད་ན།། ཆུ་ཡི
337b2 མཐུ་ཡིས་རླག་འགྱུར་ན།། དེ་ལ་རང་བཞིན་ག་ལ་ཡོད།། དཔེར་ན་རྫས་ཀྱི་དངོས་པོ་ཡང་།། མེ་ཡི་མཐུ་ཡིས་སྲེག་འགྱུར་ན།། དེ་ལ་རང་བཞིན་ག་ལ་ཡོད།། ཤེས་པས་ཟིན་པའི་སེམས་ཅན་རྣམས།། གཟུགས་དང
337b3 དྲན་པ་སྣ་ཚོགས་ཀྱིས།། དབང་པོ་ལ་སོགས་མཛེས་གྱུར་ཀྱང་།། ཕུང་པོ་མི་རྟགས་ཤི་འཕོས་ན།། དངོས་པོ་བརྟན་པར་མི་འགྱུར་ཏེ།། གཟུགས་རྣམས་སོ་སོར་ཞིག་ནས་ནི།། རུས་པ་དག་ཀྱང་མི་སྣང་སྟེ།། ཞིག་དག
337b4 རུལ་ལ་སོགས་པ་ཡིས།། ཐ་མར་ཅི་ཡང་མི་སྣང་འབྱོར།། རི་བོ་ཆེན་པོ་ལ་སོགས་པ།། དངོས་པོ་བརྟན་གཡོའི་འཇིག་རྟེན་རྣམས། སྲེག་པའི་བསྐལ་བ་ལ་སོགས་པ།། བསྐལ་པ་གསུམ་གྱིས་བརླག་བྱས་ན།། དེ་ལ
337b5 རང་བཞིན་ལ་ག་ཡོད།། དེས་ན་དངོས་པོའི་ཆོས་རྣམས་ཀུན།། དངོས་པོར་བརྟགས་པ་མ་ཡིན་པས།། ཆོས་རྣམས་རང་བཞིན་མེད་པར་ཤེས།། འདི་ནི་རྣལ་འབྱོར་ལམ་གྱི་མཆོག། འདུས་པའི་ཚོགས་རྣམས་གོམས
337b6 པར་གྱིས།། ཞེས་སེམས་དཔའི་རྡོ་རྗེ་སྨྲ་བའི་སེང་གེས་རྣལ་འབྱོར་མཆོག་གི་ལམ་གསུངས་པའོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྣལ་འབྱོར་རྗེས་སུ་འཇུག་པའི་ལེའུ་སྟེ་གཉིས
iiif viewer powered by OpenSeadragon
