| e-texts navigator |
| Wylie |
337a1 མེད།། འཁོར་བ་མེད་ཅིང་ཆོས་ཉིད་མེད།། དམིགས་པ་མེད་དེ་མི་དམིགས་མེད།། དེ་ལྟར་ཤེས་པ་མཁས་པ་ཡིན།། རིག་དང་མ་རིགས་ཚུལ་གཅིག་སྟེ།། དེ་ལྟར་ཤེས་པ་རྒྱལ་བ་ཡིན། སེམས་ཅན
337a2 རང་བཞིན་སངས་རྒྱས་ཉིད།། སངས་རྒྱས་རང་བཞིན་སེམས་ཅན་ཏེ།། སེམས་ཅན་སངས་རྒྱས་གཅིག་པ་ཡིན།། དེ་ལྟར་ཤེས་པ་རྒྱལ་བའི་སྲས།། བྱང་ཆུབ་ཕྱིར་ནི་གང་མ་བརྙེས།། མ་བརྙེས་གང་ཡང་དེ་མ
337a3 བརྙེས།། བརྙེས་པ་མེད་པའི་དོན་མཐོང་ན།། དེ་ནི་བརྙེས་པའི་མཆོག་ཡིན་ནོ།། གཞན་ཡང་དུས་པའི་རྣལ་འབྱོར་རྣམས།། ལམ་གྱི་ངོ་བོ་ཚོལ་འདོད་ན།། ལམ་གྱི་རྟགས་ཉིད་དཔེས་མཚོན་ཏེ།། ལམ་གྱི་དོན་ལ
337a4 གོམས་པར་བྱ།། མི་གནས་མིག་ལྡན་སྒྲོན་མ་ཡིས།། ལམ་གྱི་རྒྱུ་ལ་མཁས་པར་བྱ།། བག་ཆགས་རྟོགས་པའི་མཚན་མ་རྣམས།། སྣ་ཚོགས་དངོས་པོར་སྣང་མོད་ཀྱང་།། ནམ་མཁའ་དག་ལ་སྨིན་རྒྱུ་འདྲ།། དེ་ཡང
337a5 གཏན་ཚིགས་ངེས་པ་ཡི།། དཔེ་ཡིས་མཚོན་ཏེ་རྟོགས་བྱ་ན།། མཁའ་ལ་སྤྲིན་ཕུང་འཇའ་ཚོན་དང་།། ཆར་ལ་སོགས་པའི་རྒྱུན་སྣང་ཡང་།། ནམ་མཁའ་ཆོ་འཕྲུལ་གཅིག་ཏུ་ཟད།། རྟག་ཏུ་དེ་ལྟར་སྣང་བ་མིན།། དཔེར
337a6 ན་སྒྱུ་མའི་རང་བཞིན་ཡང་།། སླུ་ཞིང་འདྲིད་པ་ཅིར་སྣང་ཡང་།། སྒྱུ་མའི་འཕྲུལ་པར་སྣང་བར་ཟད།། རྟག་ཏུ་དེ་ལྟར་སྣང་བ་མིན།། དཔེར་ན་རྡོ་ཡི་དངོས་པོ་ཡང་། སྲ་ཞིང་མཁྲེགས་པའི་དངོས་པོ་ཡང་།། བཏགས
iiif viewer powered by OpenSeadragon
