| e-texts navigator |
| Wylie |
336b1 དང་།། བར་དུ་དེ་ཡི་བྱ་བ་བྱེད།། ཐ་མར་དེ་ཡི་རྒྱུད་འཛིན་ཕྱིར།། དེ་ཕྱིར་རིགས་ཞེས་གྲགས་པ་ཡིན།། དཔེར་ན་མེ་དང་ཆུ་དག་དང་།། ནམ་མཁའ་དང་ནི་ས་དག་ལ། གནས་པའི་སེམས་ཅན་མཐའ་དག
336b2 ཀུན།། གནས་རྒྱུན་ཉིད་ཀྱི་མིང་འཛིན་དེ།། མེ་ལ་གནས་པའི་སེམས་ཅན་ལ།། མི་ཡི་ཡི་དྭགས་མ་ཞེས་ཟེར།། ཆུ་ལ་གནས་པའི་སེམས་ཅན་ལ།། ཆུ་སྲིན་ཏཱ་ར་ན་ཞེས་ཟེར།། ཅི་ཕྱིར་ལྔ་ཞེས་བྱ་ཞེ་ན།། རྒྱལ་བ
336b3 སངས་རྒྱས་ཐམས་ཅད་ལ།། སྐུ་དང་གསུང་ཐུགས་ཡོན་ཏན་དང་། མཛད་པ་ཕྲིན་ལས་ཉིད་དང་ལྔ།། རིག་པ་ལྔ་དང་ལྔ་ཉིད་དུ།། ཐམས་ཅད་ཀུན་ཏུ་གསལ་བར་སྣང་།། དེས་ན་ལྔ་ཞེས་ངེས་པར་བཤད།། ཅི་ཕྱིར་ཞེ
336b4 ནསངས་རྒྱས་ཀུན།། ལྔ་པོ་དེ་ལས་མ་གཏོགས་པ།། གཞན་ལས་བྱུང་ཞིང་གཞན་ན་མེད།། སངས་རྒྱས་མཚན་གྱི་ཁྱད་པར་ཡང་།། མཚན་མེད་པ་ལས་མཚན་བཏགས་པ།། ཐམས་ཅད་ལྔ་པོ་ཉིད་ལས
336b5 བཏགས།། མཚན་གྱི་བྱེ་བྲག་ཐམས་ཅད་ཀུན།། ཐ་སྙད་ཙམ་དུ་གདགས་པར་ཟད།། རིགས་མེད་པ་ལས་རིགས་སྨོས་པ།། འདུལ་བའི་དབང་དུ་ལྔར་སྣང་ཡང་།། དྲང་བའི་དོན་ཏེ་དངོས་གཞི་མེད།། ཅི་ཡང་མེད
336b6 ལས་ཅི་སྣང་བ།། མཁའ་ལ་འཇའ་ཚོན་བྱུང་བ་འདྲ།། ཆོས་ཀུན་ནམ་མཁའ་འདྲ་བ་ཞེས།། གསང་བ་མཆོག་གི་བདག་པོས་བཤད།། མཉམ་དང་མི་མཉམ་མཉམ་པ་ཡིན།། སངས་རྒྱས་མེད་ཅིང་སེམས་ཅན
iiif viewer powered by OpenSeadragon
