| e-texts navigator |
| Wylie |
336a1 ཡི།། རྒྱལ་བ་དཔག་ཏུ་མེད་པ་ལ།། རྡོ་རྗེ་རིགས་ཞེས་བྱ་བར་བཤད།། ཡོན་ཏན་ཡེ་ཤེས་རིན་ཆེན་ཡིན།། རིན་ཆེན་དེ་ལས་སྤྲུལ་པ་ཡི།། རྒྱལ་བ་དཔག་ཏུ་མེད་པ་ལ། རིན་ཆེན་རིགས་ཞེས་བྱ་བར
336a2 བཤད།། གསུང་གི་ཡི་ཤེས་པདྨ་སྟེ།། པདྨ་ཡེ་ཤེས་ལས་སྤྲུལ་པའི། རྒྱལ་བ་དཔག་ཏུ་མེད་པ་ལ། པདྨོ་རིགས་ཀྱི་ཞིང་དུ་གྲགས།། ཕྲིན་ལས་བྱ་བ་སྣ་ཚོགས་ཏེ།། སྣ་ཚོགས་ཡེ་ཤེས་སྤྲུལ་པ་ཡི།། རྒྱལ་བ་དཔག་ཏུ
336a3 མེད་པ་ལ། ལས་ཀྱི་རིགས་ཞེས་བྱ་བར་བཤད།། སྐུ་ནི་མ་བཅོས་དེ་བཞིན་ཉིད།། དེ་བཞིན་ཉིད་ཀྱི་ཡེ་ཤེས་ལ།། སྤྲུལ་པ་རྒྱལ་བ་དཔག་མེད་ལ།། དེ་བཞིན་རིགས་ཞེས་བྱ་བར་བཤད།། དེ་བས་རིགས་ཀྱི་གཏན
336a4 ཚིགས་ནི།། མ་བཅོས་སྐུ་ནི་དེ་བཞིན་ཉིད།། མི་འགྱུར་རིགས་ནི་རྡོ་རྗེ་རིགས།། ཡོན་ཏན་ཀུན་འབྱུང་རིན་ཆེན་རིགས།། ཆགས་མེད་གསུང་གི་པདྨའི་རིགས།། བྱ་བ་བྱེད་པ་ལས་ཀྱི་རིགས།། སྐུ་ཡི་སྤྲུལ་པ་ཐམས
336a5 ཅད་ནི།། དེ་བཞིན་རིགས་ཀྱི་གདུང་བརྒྱུད་འཛིན།། ཐུགས་ལས་སྤྲུལ་པའི་སངས་རྒྱས་ནི།། རྡོ་རྗེ་རིགས་ཀྱི་གདུང་རྒྱུད་འཛིན།། ཡོན་ཏན་ཡུལ་གྱི་སངས་རྒྱས་རྣམས།། རིན་ཆེན་རིགས་ཀྱི་གདུང་རྒྱུ་འཛིན། གསུང
336a6 ལས་སྤྲུལ་པའི་སངས་རྒྱས་རྣམས།། པདྨ་རིགས་ཀྱི་གདུང་རྒྱུད་འཛིན།། མཛད་པ་སྤྲུལ་པའི་སངས་རྒྱས་རྣམས།། ཕྲིན་ལས་རིགས་ཀྱི་གདུང་རྒྱུད་འཛིན།། ཅི་ཕྱིར་རིགས་ཞེས་བྱ་ཞེ་ན།། དང་པོ་དེ་ལས་བྱུང་བ
iiif viewer powered by OpenSeadragon
