| e-texts navigator |
| Wylie |
334a1 སྐད་ཀུན་གྱིས་བསྡུས་པའི་ཚོགས། ཡིག་འབྲུ་ཕྲེང་བའི་ངང་དུ་རྫོགས།། ཚིག་དང་ཡིག་འབྲུ་ཐམས་ཅད་ཀུན།། ཨཾ་གྱི་རང་བཞིན་དང་དུ་རྫོགས།། ཨཾ་གྱི་ཆོ་འཕྲུལ་ཐམས་ཅད་ཀུན།། ཨ་ཡི་རང་བཞིན
334a2 དབྱིངས་སུ་ཞི།། ཨ་ནི་ཡིག་འབྲུ་ཀུན་གྱི་གཏེར།། ཨ་ཉིད་ཆོས་ཀྱི་དབྱིངས་སུ་ཐིམ།། དེ་ནས་རྒྱལ་བ་སངས་རྒྱས་རྣམས། སྐུ་དང་གསུང་ཐུགས་རྡོ་རྗེ་དེ།། འདུལ་བའི་དབང་གི་ཁྱད་པར་གྱིས།། ཅིར་ཡང་འགྱུར་ཞིང
334a3 ཅིར་ཡང་སྣང་།། ས་དང་ནམ་མཁའ་མེད་དང་རླུང་།། ཆུ་ལ་སོགས་པའི་རྫས་རྣམས་ཀྱིས།། འདུལ་བའི་འགྲོ་བ་དེ་རྣམས་ལ།། ས་དང་ནམ་མཁའ་ལ་སོགས་པའི།། ཆུ་དང་རླུང་གི་ངོ་བོར་སྣང་།། གང་དག་སྐུ་ཡིས
334a4 འདུལ་བའི་ཚེ།། སྐུ་དང་གཟུགས་བརྙན་རིང་བསྲེལ་དང་།། རྟེན་ལ་སོགས་པ་ཐ་དད་པར།། འཇིག་རྟེན་ཀུན་ཏུ་སྟོན་པར་འགྱུར།། གསུང་གིས་འདུལ་བའི་དུས་བྱུང་ན།། དབྱངས་ཀྱི་ཡན་ལག་དྲུག་ཅུ་ལས།། སོགས
334a5 པའི་སྒྲ་སྐད་སྣ་ཚོགས་དང་།། ཡི་གེའི་གཟུགས་སུ་བསྟན་ནས་ནི།། འཁོར་བའི་ཁམས་སུ་སྣང་བར་བྱེད།། ཅིའི་ཕྱིར་ཞེ་ན་ཡི་གེ་ནི།། དེ་བཞིན་གཤེགས་པ་ཉིད་ཡིན་ཏེ།། དེ་བཞིན་གཤེགས་པའི་རང་བཞིན
334a6 ཏེ།། ཐུགས་རྗེའི་རང་བཞིན་ཡིན་པས་ན།། ཐབས་ཀྱི་བྱེ་བྲག་སྣ་ཚོགས་ཀྱིས།། ཐམས་ཅད་གྲོལ་བར་མཛད་པའོ།། དེ་བཞིན་ཡི་གེའི་ཚོགས་འདི་ཡང་།། ཡན་ལག་སྦྱོར་སྡུད་སྣང་ཚོས་ཀྱིས།། ཐམས་ཅད་ཚིག་ཏུ་གོ
iiif viewer powered by OpenSeadragon
