| e-texts navigator |
| Wylie |
333b1 གེ་ར།། སྐྱེས་བུ་ཆེན་པོའི་དཀུ་སྐབས་ལས།། གཏི་མུག་སེལ་བའི་ཡི་གེ་ཝ།། སྐྱེས་བུ་ཆེན་པོའི་བྱིན་པ་ལས།། འཁོར་བ་གནོན་པའི་ཡི་འབྲུ་ཡ།། སྐྱེས་བུ་ཆེན་པོའི་སྤྱན་གཉིས་ལས།། རང་བཞིན་ཡི་གེ་ཨི་གཉིས
333b2 ཤར།། སྐྱེས་བུ་ཆེན་པོའི་སྙན་གཉིས་ལས།། རང་བཞིན་ཡི་གེ་ཨུ་གཉིས་ཤར།། སྐྱེ་བུ་ཆེན་པོའི་ཤངས་གཉིས་ལས།། རང་བཞིན་ཡི་གེ་ཨེ་གཉིས་ཤར།། སྐྱེ་བུ་ཆེན་པོའི་ཚེམས་གཉིས་ལས།། རང་བཞིན་ཡི་གེ་ཨོཾ
333b3 གཉིས་ཤར།། སྐྱེ་བུ་ཆེན་པོའི་སྤྱི་གཙུག་ནས།། རྒྱལ་བའི་ས་བོན་ཨཾ་དུ་ཤར།། དེས་ན་ཡིག་འབྲུའི་ཡན་ལག་ཀུན།། རྒྱལ་བ་རྒྱ་མཚོའི་སྐུ་གསུང་ཐུགས།། ཨོཾ་ནི་སྐུ་ཡི་རང་བཞིན་ཏེ།། ཨཱཿནི་ཐུགས་ཀྱི་མཚན་ཉིད
333b4 དོ།། ཡི་གེའི་ཕྲེང་བ་མང་པོ་ཀུན།། གསུང་བརྗོད་གསུང་གི་རང་བཞིན་ནོ།། ཨཱཿནི་ཆོས་སྐུའི་རང་བཞིན་ཏེ།། ཨོཾ་ནི་ལོངས་སྤྱོད་རྫོགས་པའི་སྐུ།། ཡིག་འབྲུ་འབར་བའི་ཕྲེང་བ་རྣམས།། སྤྲུལ་པའི་འདྲེན་པའི་སྐུ་ཞེས
333b5 བཤད།། ཨ་ནི་ཆོས་ཀྱི་དབྱིངས་ཡིན་ཏེ།། ཨོཾ་ནི་རིག་པའི་ཡེ་ཤེས་ཡིན།། ཡིག་འབྲུ་འབར་བའི་ཕྲེང་བ་རྣམས།། ཆོས་དང་ཆོས་ཉིད་རང་བཞིན་ཡིན།། ཨ་ནི་བརྗོད་པའི་རྒྱུ་ཡིན་ཏེ།། ཨོཾ་ནི་ཚིག་ཚོགས་འབྱུང་བའི
333b6 རྒྱུ།། ཚིགས་གི་ཚོགས་ཉིད་ཡི་གེ་ཡིན།། ཡི་གེ་རིང་བའི་ཚིག་གི་མཛོད།། ཡི་གེ་འོད་ཟེར་འབར་འཕྲོས་པས།། ཆོས་དང་ཆོས་མ་ཡིན་པ་རྣམས།། ངག་གི་དབང་པོ་ཁ་ཕྱེ་སྟེ།། དོན་དང་ཚིག་ཏུ་རྒྱས་པར་འགྱུར།། སྒྲ
iiif viewer powered by OpenSeadragon
