| e-texts navigator |
| Wylie |
332a1 པར་བྱ།། རང་གི་ཆགས་ཚད་དང་སྦྱར་བའི།། སྐུ་ཡི་ཁྱོན་ཡང་དེ་ཙམ་མོ།། གཉིས་པའི་ས་ལ་གནས་པ་ཡི།། བཀའ་སྡོད་ལས་ཀྱི་རྣལ་འབྱོར་ལས།། སོགས་པའི་རྣལ་འབྱོར་རྣམ་བཞི་པོ།། ཏིང་འཛིན
332a2 རྩལ་གྱི་ཁྱད་པར་ནི།། ས་བོན་རང་བཞིན་ཡི་གེ་ལ།། འོད་ཟེར་འབར་བར་བཅས་པ་དེ།། དྲི་བྱུང་ཡུལ་ནི་ཚུན་ཆད་དུ།། འཕྲོ་འདུ་གསལ་བར་བསྐྱེད་པ་ལས།། རང་གི་ཆག་ཚད་གཉིས་བསྒྱུར་བའི།། སྐུ་ཡི་ཁྱོན་ཡང
332a3 དེ་ཙམ་མོ།། གསུམ་པའི་ས་ལ་གནས་པ་ཡི།། རྣལ་འབྱོར་ལུང་གི་བཀའ་བསྒོ་ལས།། སོགས་པའི་རྣལ་འབྱོར་རྣམ་གསུམ་མོ།། དམིགས་པའི་ཏིང་འཛིན་འདི་ལྟར་འདོད།། ལྷ་ཡི་ས་བོན་གང་ཡིན་པ།། རང་བཞིན་ཡི།
332a4 གེར་བསྒྱུར་བྱས་ཏེ།། འོད་ཟེར་འབར་དང་བཅས་པ་ཡིས།། ཐོས་པའི་ཡུལ་ནི་ཚུན་ཆད་དུ།། འཕྲོ་འདུ་གསལ་བར་བྱས་པ་ལས།། རང་གི་ཆག་ཚད་བཞི་བསྒྱུར་ཙམ།། སྐུ་ཡི་ཁྱོན་ཡང་དེ་ཙམ་མོ།། དེ་བཞིན་རྣལ
332a5 འབྱོར་རིམ་པ་བཞིན།། ལྷ་ཡི་ཁྱད་པར་གང་ཡིན་པ།། ཡི་གེའི་རིམ་པ་བཞིན་བྱས་ནས། འཕྲོ་འདུའི་ཚད་ཀྱང་དེ་བཞིན་ཏེ།། རིམ་པ་བཞིན་དུ་སྦྱར་ནས་ཀྱང་།། འཕྲོ་འདུ་གསལ་བར་གྱུར་པ་དང་།། སེམས་ཀྱི་ལྕོགས
332a6 ཚད་ཚུན་ཆད་དུ།། སྐུ་ཡི་ཁྱོན་གྱི་ཁྱད་པར་ཡང་།། ཆོས་ཀྱི་དབྱིངས་ཀྱི་མཐས་ཀླས་པར།། སྐུ་ཡི་ཁྱོན་གྱིས་གང་བར་བསྒོམ།། གཞན་ཡང་འདུས་པའི་རྣལ་འབྱོར་རྣམས།། ཡི་གེའི་རྗེས་སུ་དོན་དཔགས་ན།། ཡི་གེས
iiif viewer powered by OpenSeadragon
