| e-texts navigator |
| Wylie |
331b1 ལས་སྐྲུན་ཏེ།། དོན་བྱེད་པ་དང་ཕྱག་རྒྱར་སྐྱེད།། རྒྱ་མཚོ་གནོན་དང་ནམ་མཁའི་སྐས།། རླུང་བཅིང་བ་དང་རྒྱུན་བཟློག་དང་།། བསྲེག་པའི་བསྐལ་བ་གཞིལ་བ་དང་། ཉི་ཟླའི་ཞོན་དང་འཇིག་རྟེན་འཕང་།། ས་ལ
331b2 འཛུལ་དང་རི་རབ་འདེབས།། སྟོངས་གསུམ་ཡུངས་འབྲུར་འཇུག་ཚུལ་དང་།། གཞིག་དང་སྤང་བ་ལ་སོགས་ཏེ།། བསམ་བྱ་བསམ་གྱིས་མི་ཁྱབ་པ།། གོམས་པར་ལས་སུ་རུང་བ་ཡི།། རྣལ་འབྱོར་རྩ་ཆེན་སྦྱོང་བར
331b3 ཟད།། བཟླས་པ་མཐར་ཕྱིན་གྲུབ་པ་དང་།། བཅིང་བ་ཡོངས་སུ་རྫོགས་པ་དང་།། བསམ་པ་ལས་སུ་རུང་བ་དང་།། དོན་མཐོང་བ་དང་ཚིག་གྲུབ་པ།། བྱ་བ་ཡོངས་སུ་དག་པ་དང་།། དོན་གཅིག་ཡུལ་ལ་སོ་སོར
331b4 སྣང་།། དེས་ན་ཏིང་འཛིན་ཁྱད་པར་ཡང་།། དབྱིངས་ཉིད་གཅིག་ལ་སྒོམ་མོད་ཀྱི།། རྣལ་འབྱོར་རྩལ་གྱི་ཁྱད་པར་གྱིས།། བསམ་པའི་ཡུལ་ནི་སྣ་ཚོགས་ཏེ།། དང་པོའི་ས་ལ་གནས་པ་ཡི།། བརྩམ་པ་ལས་ཀྱི་རྣལ
331b5 འབྱོར་པ།། འདུན་པ་སེམས་པའི་རྣལ་འབྱོར་ལས།། སོགས་པའི་རྣལ་འབྱོར་རྣམ་དྲུག་པོ།། ཤེས་རབ་རྩལ་གྱི་འཕང་དམས་པས།། ཏིང་འཛིན་རྩལ་ཡང་ཆུང་བ་སྟེ།། དོན་ལ་མཐོང་བར་མི་འགྱུར་ཏེ།། རང་གི་མོས
331b6 པའི་ལྷ་སྒོམ་ན།། ལྷ་ཡིས་ས་བོན་གང་ཡིན་པ། ཁ་དོག་ཚོན་གྱིས་ཕྱེ་ནས་ནི།། སྣ་ཡི་དབུགས་ལ་རྒྱུ་བྱས་ཏེ།། དབུགས་ཀྱི་ཡུལ་དུ་གྱུར་ཚད་དུ།། ཟུང་བསྒྲིལ་ཕར་འགྲོ་གསལ་བ་ལས།། འཕྲོ་འདུའི་གནས་སུ་བསྐྱེད
iiif viewer powered by OpenSeadragon
