| e-texts navigator |
| Wylie |
331a1 མཉམ་པ་ཉིད་ལ་མ་ཆགས་ན།། གཟུགས་མེད་ཁམས་སུ་ལྟུང་མི་འགྱུར།། མཉམ་ཉིད་མངོན་དུ་གྱུར་པས་ན།། ཉན་ཐོས་གནས་སུ་དེ་མི་ལྟུང་།། ཅི་ཡང་མེད་པའི་དོན་མཐོང་ན།། སངས་རྒྱས་ཞེས་ནི
331a2 དེ་ལ་བྱ།། དེས་ནི་ཏིང་འཛིན་ཁྱད་པར་འདི།། རྣལ་འབྱོར་ཅན་གྱིས་འདྲིས་པར་བསྒོམ།། ཐམས་ཅད་མི་རྟོགས་སྐྱེ་མེད་ཅིང་།། རྟོག་པའི་མཐའ་སྤངས་ནམ་མཁའི་དབྱིངས།། ཇི་བཞིན་མི་གཡོ་མཉམ་པ
331a3 ཉིད།། མཚན་མའི་རྟོག་པ་ཡུམ་ལས་འདས།། ཡུལ་མེད་ནམ་མཁའི་རང་བཞིན་ལས།། སྙིང་རྗེ་ཆེན་པོའི་བྱང་ཆུབ་སེམས།། ཉི་མ་སྟོང་གི་དཀྱིལ་འཁོར་ཤར།། མཚན་མའི་ཆོས་རྣམས་ཀུན་ལ་ཁྱབ།། ཉི་མ་འབར་བ
331a4 སྙིང་པོ་ལས།། འོད་ཟེར་ཡིག་འབྲུའི་མཆོག་ཏུ་གསལ།། ཐམས་ཅད་འབྱུང་བའི་ཡི་གེ་ཨ།། ཅིར་ཡང་འགྱུར་བའི་རང་བཞིན་ལས། སྤྲུལ་པའི་ཆོ་འཕྲུལ་ཐམས་ཅད་འབྱུང་།། དེ་ཡང་རྩལ་གྱི་ཁྱད་པར
331a5 ལས།། དབུགས་ཀྱི་ཡུལ་དང་ཚོར་བ་དང་།། ཐོས་དང་མཐོང་བ་ལ་སོགས་ཏེ།། སེམས་ཀྱི་ཡུལ་དང་ནམ་མཁའི་དབྱིངས།། ཆོས་ཀྱི་དབྱིངས་ཀྱི་མཐས་ཀླས་པར།། རང་བཞིན་ཡི་གེ་བསྒྱུར་ཡི་གེ། ཡན་ལག་ཡི་གེ་སོ
331a6 སོ་ཡི།། རྩ་བ་ལ་སོགས་གཞི་གཅིག་བཅས།། འཕྲོ་འདུ་ཚད་ཀྱང་ཕྱག་རྒྱ་ཡི།། ཚོམ་བུའི་གྲངས་ཀྱང་དེ་བཞིན་ནོ།། འདི་ནི་དང་པོའི་འཇུག་རིམས་ཏེ།། མཐར་གྱིས་འདྲིས་ཤིང་གོམས་བྱེད་པའོ།། ཡི་གེའི་ཡེ་ཤེས
iiif viewer powered by OpenSeadragon
