| e-texts navigator |
| Wylie |
330a1 དོན་ལ་གོམས་པས་ནི།། ཉན་ཐོས་གནས་སུ་དེ་མི་ལྟུང་།། སྟོང་ཞིང་ཞི་བར་མི་བྱེད་པས།། རང་རྒྱལ་ལྟ་བར་དེ་མི་ལྟུང་།། རྣམ་དག་སྟོང་པར་མི་བྱེད་པས།། བྱང་ཆུབ་སྤྱོད་པར་ལྟུང་མ་ཡིན།། མཉམ
330a2 ཉིད་སྟོང་པའི་དོན་དག་ལ། སོ་སོ་ཐ་དད་མི་འབྱེད་པས། ས་ཡི་རིམ་པ་མི་ལྟུང་ཞིང་།། རིམ་གྱིས་སྦྱང་ཞིང་འཕར་བ་མེད།། ཡང་དག་དོན་གྱི་རང་བཞིན་ནི།། ཅི་ལ་མི་གནས་མི་ལེན་ཅིང་།། ཅིང་ཡང་མི་མཐོང་ཐོས
330a3 པ་མེད།། ཅིར་ཡང་མི་བྱེད་བྱེད་དང་བྲལ།། ཅི་ཡང་ཐོས་པ་རྡུལ་ཙམ་མེད།། ཅིར་ཡང་སྣང་བ་མེད་པ་དེ།། དེ་ནི་སྣང་བ་དམ་པ་ཡིན།། བསམ་དུ་མེད་པའི་ཆོས་ཉིད་ནི།། བསམ་དུ་མེད་པས་དེ་བཞིན་གཞག། རང
330a4 བཞིན་མེད་པའི་ཆོས་ཉིད་ལ།། སེམས་ཀྱི་གྱེན་ད་སྐད་ཅིག་མས། མི་གཡོ་རྒྱུན་ཏུ་དྲན་པར་བྱ།། དེ་ལྟར་དོན་ལ་མཉམ་བཞག་ན།། རྟགས་ཀྱི་ཚོར་བ་འདི་ལྟར་འགྱུར།། དྲོད་དང་རྟགས་དང་ཆོ་འཕྲུལ་དང་།། མངོན
330a5 ཤེས་དང་ནི་ཡེ་ཤེས་འབྱུང་།། དྲོ་ནི་གཡོ་དང་ཐོབ་པ་དང་། རྟགས་ནི་བྱུང་དང་བརྟན་པ་དང་། ཆོ་འཕྲུལ་བྱུང་དང་རྫོགས་པ་དང་།། རིག་པ་ཕྲ་མོ་ཐམས་ཅད་གསལ།། དེས་ནི་དོན་རྣམས་རྫོགས་པ་ཡིན།། དཔེར་ན
330a6 མུན་པ་སངས་པ་དང་།། སྣང་བ་བྱུང་དང་ནམ་མཁའ་དང་། ཀུན་ཏུ་མཐོང་དང་ཐམས་ཅད་གསལ། དེ་ལྟར་ཤེས་པའི་མཐུ་ཡིས་ནི།། བག་ཆགས་མུན་པ་ཀུན་བསལ་ཏེ།། ཇི་ལྟར་རླུང་གིས་སྤྲིན་ཕྱགས་ལྟར།། སྐད
iiif viewer powered by OpenSeadragon
