| e-texts navigator |
| Wylie |
32b1 རྣམས་འཇུག་པར་མ་བྱེད་ཅིག། དེ་ནི་ཉམས་པར་འགྱུར་ཏེ། ཟབ་མོའི་དོན་མི་རྟོག་ཅིང་གནས་མེད་པ་ཡིན་ཏེ། དཔེར་ན་དེ་བྱི་སུ་དྲ་བཞིན་ནོ།། དེ་བས་ན་རིགས་གང་ཡིན་པ་མཚན་ལས་ཡོངས་སུ་བཟུང་ངོ་།། ཞེས
32b2 བརྗོད་པས་ཐམས་ཅད་རང་རང་གི་གནས་ག་ལ་བར་འཁོད་པར་གྱུར་ཏོ།། དེ་ནས་ཐམས་ཅད་ཀྱི་བདག་པོས། ཤིན་ཏུ་རྣལ་འབྱོར་གྱི་དོན་དུ་རྩོལ་བ་དང་བྲལ་བའི་ཐབས་འདི་གསུངས་སོ།། ཐམས་ཅད་བལྟ་བས
32b3 བཀབ་ནས་སུ།། སྙིང་རྗེའི་མཐུ་ལས་བྱུང་བ་ཡི།། བྱང་ཆུབ་སེམས་ལྡན་གསང་སྔགས་པས།། སྣང་བ་དགག་པ་མ་ཡིན་ཏེ།། དབང་པོ་སྤྱོད་ཡུལ་ཡན་པར་བཞག། བལྟས་པས་མ་མཐོང་ཅིར་ཡང་མེད།། དངོས་ཀུན
32b4 སྒྱུ་མར་འདྲ་ཤེས་ནས།། མ་མཐོང་མཐོང་བའི་རྣམ་པ་ཅན།། བྱ་བྲལ་ལྷུན་གྲུབ་ཇི་བཞིན་གནས།། རང་བྱུང་ཀུན་ངམ་ལྷུན་གྱིས་གྲུབ།། ཇི་བཞིན་པ་ཞེས་མི་རྟོག་ཀྱང་།། རྣམ་པར་སྣང་མཛད་ཀུན་ཏུ་བཟང་།། རྣམ
32b5 རྟོག་ཉིད་དུ་ཀུན་འདུས་ཕྱིར།། ཚོར་བ་བསྒོམ་པ་ཅི་ཞིག་ནད།། ཟིན་པས་རྩོལ་བའི་ནད་སྤངས་ཏེ།། ལྷུན་གྱིས་གནས་པས་བཞག་པ་ཡིན།། བསྒོམ་པ་རྩོལ་བའི་ནད་ཡིན་ཏེ།། རྩོལ་སེམས་བདེ་བ་རང་ལས
32b6 བྱུང་།། སྣང་བ་མེད་པའི་ཆོས་ཉིད་ནི།། བཙལ་བ་མེད་པའི་བཙལ་བས་འགྲུབ།། ཕྱི་ནང་གཡོ་དང་མི་གཡོ་ཀུན།། བྱང་ཆུབ་སྙིང་པོ་ཉིད་ཡིན་པས།། བཙལ་བའི་བསམ་པས་དབྱིངས་མི་བསྐྱོད།། མ་བཙལ་བཞག་ན
iiif viewer powered by OpenSeadragon
