| e-texts navigator |
| Wylie |
32a1 གནས།། ཟད་མི་ཤེས་པའི་གཏེར་དུ་འགྱུར།། མི་རྟོག་གསང་བ་ཀུན་འདུས་ཕྱིར།། རྟོག་པ་ཐམས་ཅད་དགག་པ་ཡིན།། གཟུང་དང་འཛིན་པ་ལས་བྱུང་སྟེ།། ཕྲ་རྒྱས་ཐམས་ཅད་གང་ཡིན་པ།། ལྷུན
32a2 གྱིས་གནས་པས་བཀག་པ་ཡིན།། འདི་ནི་ཨི་དང་མཛེས་པའི་ས།། ཏ་ལས་ཡན་ལག་སྤྲོས་པ་བཞིན།། འཇིག་རྟེན་ཡོངས་ཀྱི་སྤྱོད་ཡུལ་ལས།། སངས་རྒྱས་གསུང་གི་ཟབ་མོ་འབྱུང་།། སྲོག་དང་རྩོལ་བ་ལས་བྱུང
32a3 བའི།། སྤྲོ་དང་བསྡུ་བ་དེ་བཞིན་ཏེ།། དབུགས་ནི་ཕྲ་མོ་ཉིད་དུ་བྱ།། དེ་ནས་མ་སྐྱེས་ཏིང་འཛིན་བསྒོམ།། ཀུན་གྱིས་བགྲོད་པའི་ལམ་རྒན་ཕྱིར།། ཅིག་ཆར་འཇུག་པའི་དོན་ཉིད་པས།། གཞན་དུ་འཇུག་པར་མི
32a4 བྱའོ།། དེ་ནས་བྱང་ཆུབ་སེམས་དཔའ་ལ་སོགས་པ་ཐེག་པ་གཞན་རྣམས་ངོ་མཚར་དུ་གྱུར་རྨད་དུ་གྱུར་ཏེ་དུས་རབ་ཏུ་ངུས་སོ།། དེ་ནས་དེ་བཞིན་གཤེགས་པ་ཐམས་ཅད་ཀྱི་བདག་པོས། བྱང་ཆུབ་སེམས་དཔའ་ལ
32a5 སོགས་པ་དེ་དག་ལ་འདི་སྐད་ཅེས་བཀའ་སྩལ་ཏོ།། ཤིན་ཏུ་རྣལ་འབྱོར་གྱི་དོན་འདི་ནི། ནམ་མཁའ་དང་མཉམ་པ་སྟེ། སངས་རྒྱས་ཀྱི་སྤྱོད་ཡུལ། ཉན་ཐོས་ལ་སོགས་པ་དང་ཐུན་མོང་མ་ལགས་པ། མཆོག་ཏུ་གསང
32a6 བ་ཉིད་པས། ཁྱེད་རྣམས་ཀྱང་མ་སྐྲག་མ་དངངས་དང་ངས་པར་མ་བྱེད་ཅིག། སྤྱོད་ཡུལ་འདི་ལས་འདའ་བར་དཀའོ།། དེ་བཞིན་ཉིད་ཀུན་ལ་གནས་སུ་ཟིན་ཀྱང་། ཤེས་རབ་དང་སྙིང་རྗེར་མི་ལྡན་ཅིང་སྐལ་བ་མེད་པ
iiif viewer powered by OpenSeadragon
