| e-texts navigator |
| Wylie |
328a1 བ་ཆེ་དང་ཐིག་ལེར་རྫོགས།། གསུམ་ཉིད་དུ་ནི་རྫོགས་པ་ལ།། ཡུལ་དོན་ཡེ་ཤེས་དེ་སྦྱར་བ།། ཤེས་པར་བྱས་པས་ཐམས་ཅད་རྫོགས།། སྒྱུ་མའང་སྒྱུ་མ་ཡིན་སྤྱོད་ལ།། རྫོགས་པ་སྤྱིར་ཆིངས་འདི
328a2 ནི།། བཅུ་ཡི་ཐ་མ་དང་པོ་ལས།། མཐར་རྫོགས་ཀུན་གྱི་ཐོག་ཡིན་ཏེ།། ཀློང་ཡངས་ནམ་མཁའི་སྙིང་པོ་ལ། སྤྲིན་མེད་ཉི་མ་འབུམ་གྱིས་བད་ལ།། ཅིར་སྣང་ཅི་ཡང་མ་ཡིན་པ།། མི་སྐྱེས་མི་འགག་ངོ་བོ་ལ།། ཅི
328a3 ལྟར་བལྟས་དགུ་དེར་སྣང་བ།། ཐེག་མཆོག་སྤྱི་རྒྱའི་རླབས་ཀྱིས་བཅད།། དེ་ཡང་ལྟ་བའི་ཁྱད་པར་གྱིས།། བདག་ཉིད་ཆེན་པོའི་རྣལ་འབྱོར་དང་། ལྷུན་གྱིས་གྲུབ་དང་ཀློང་ཡངས་ཆུབ།། གསུམ་རྫོགས་རང་བྱུང
328a4 བདལ་བའོ།། འདི་ནི་རྣལ་འབྱོར་སྤྱོད་པའི་ལམ།། རྣལ་འབྱོར་ཅན་གྱིས་བགྲོད་པར་བྱ།། གཞན་ཡང་འདུས་པའི་རྣལ་འབྱོར་རྣམས།། དོན་གྱི་རྗེས་ནི་ཚོལ་འདོད་ན།། ཚིག་འགའ་ཐོས་པ་ཙམ་གྱིས་ནི།། ཆོག་པའི
328a5 འདུ་ཤེས་མ་སྐྱེས་ཅིག། ཁྱེད་ཀུན་རྣལ་འབྱོར་ཡིན་མོད་ཀྱི།། ཡང་དག་དོན་ལ་རྣལ་མི་འབྱོར།། སྤྱོད་པ་འགྱུར་བར་བྱེད་མོད་ཀྱི།། ཡང་དག་དོན་དུ་ཡོང་མ་འགྱུར།། ཆགས་སྡང་ལས་ལ་ཞེན་མོད་ཀྱི།། དམ་པའི་དོན
328a6 ལ་ཡོང་མ་ཞེན།། ལོངས་སྤྱོད་རྒྱ་ཆེར་སྐྱེད་མོད་ཀྱི།། ཆོས་ཉིད་དོན་གྱི་རོ་མ་ཚོར།། བདག་མེད་ཕྱོགས་བྲལ་ཟེར་མོད་ཀྱི།། ཉོན་མོངས་ལྔ་དང་ཡོང་མ་བྲལ།། བརྟུལ་ཞུགས་རྟོགས་པ་ཆོམས་མོད་ཀྱང་།། གཟུང
iiif viewer powered by OpenSeadragon
