| e-texts navigator |
| Wylie |
327a1 ཏེ།། རིགས་ཆེན་འབྱེད་པའི་རྣལ་འབྱོར་ཉིད།། དགེ་དང་མི་དགེའི་ལས་རྣམས་ཀུན།། གཅོད་སྦྱོང་སྦྱོར་བའི་ཚུལ་ཉིད་ཀྱིས།། ལེགས་ཉེས་སྟོབས་ཆེན་བྱེད་པའོ།། བསླབ་པ་རྒྱུན་གྱི་ས་འདི་ལ།། གཡོ
327a2 དང་ཐོབ་དང་བརྟན་པའི་དྲོད།། དེ་བཞིན་རྟགས་ཆེན་གཡོ་བ་དང་།། ཐོབ་པ་ཉིད་དང་བརྟན་པ་ཡི།། རྣལ་འབྱོར་རྣམ་པ་དྲུག་པོ་དག། བསླབ་འི་གནས་བཅུ་མཐར་འབྱིན་ཅིང་།། ཇི་ལྟར་ཟླ་བ་ཡར་གསལ
327a3 བཞིན།། བསླབ་པའི་ཡེ་ཤེས་འཕེལ་འགྱུར་ཏེ།། དོན་ལ་མི་སྐྲག་ངོ་མཚར་སྐྱེ།། དཔྱོད་སེམས་འཇུག་པའི་ཤེས་པ་དེས།། ངན་སོང་མི་ལྡོག་དགོན་པར་འཇུག། བར་ཆད་དག་ཀྱང་དེ་ལ་བྱུང་།། གསང་སྒོ་ལུང་གི་རྣལ
327a4 འབྱོར་དང་། སྤྱོད་པ་རྒྱུན་གྱི་རྣལ་འབྱོར་དང་།། མཚན་མ་རྟགས་ཀྱི་རྣལ་འབྱོར་གསུམ།། གནས་ཤིང་སྤྱོད་པའི་ས་ཞེས་བཤད།། བསོད་ནམས་གཏེར་གྱིས་འདི་ལ།། སྤྱོད་པའི་རྒྱུན་གྱི་རྣལ་འབྱོར་ཉིད།། མོས་པ
327a5 དག་ཅིང་འདུན་པའི་གནས།། རྩལ་ཅན་བློ་ཡི་བསྟི་གནས་ས།། བསླབ་པའི་མཐའ་བཅུ་སྤྱིར་ཆིབ་པའོ།། བསྟེན་པས་ཁྱད་པར་འགྲོ་འདི་ལ།། དབུགས་ཆེན་ཕྱིན་པའི་རྣལ་འབྱོར་དང་།། རིགས་ཆེན་འཛིན་དང
327a6 མཉམ་རྫོགས་ཆེ།། ངེས་པར་སྤྱོད་དང་རྩལ་ཆེན་སྦྱོང་།། ཡུལ་ལ་འཇུག་དང་རིག་པར་སྦྱོར།། བདུན་ཉིད་རྫོགས་པར་འགྲོ་བ་སྟེ།། བསླབ་པའི་རྒྱུ་འབྲས་འདི་བཅུ་ལ།། གོམས་པར་བྱེད་པའི་ཚུལ་དུ་སྦྱོར།། ངལ་བསོ
iiif viewer powered by OpenSeadragon
