| e-texts navigator |
| Wylie |
326b1 མ་སྦྱངས་ཀྱང་།། ཀུན་གྱི་རྩ་བ་འདིར་བཅད་པས།། གཅིག་སྟེ་ཐ་དད་ཡོངས་ཀྱིས་མེད།། དེ་ནི་རི་དང་ལྷུན་པོའམ།། ཀུན་ཏུ་རྒྱུ་དང་གཞོན་ནུ་ལྟར།། མཐོང་ཐོས་སྟོན་པའི་ཁྱད་པར་ནི།། དོན་གྱིས་དེ་ལྟར་ཡོད་པ
326b2 ཡིན།། དེས་ན་ཆོས་རྣམས་ཐམས་ཅད་ཀྱི།། རྩ་བའི་སེམས་འདི་ཡིན་པས་ན།། ནམ་མཁའ་ལྟ་བུའི་དཔེས་མཚོན་ཏེ།། ཀུན་གྱི་རྩ་བ་ཤེས་པར་བྱ།། འདི་ལྟར་ཤེས་པའི་རྣལ་འབྱོར་པ།། ལམ་གྱི་ཐབས་ལ་མཁས་པ
326b3 སྟེ།། ལམ་སྟོར་ལམ་བཙལ་ལམ་རྙེད་པས། ཉེ་ལམ་བདེ་རྙེད་གྲུབ་པའོ།། རྙེད་པའི་ལམ་ཉིད་གང་ཞེ་ན།། རྣལ་འབྱོར་སྤྱོད་པའི་ས་ཡིན་ཏེ།། ས་བཅུ་རིམ་གྱིས་བགྲོད་པའི་ཕྱིར།། ས་ཡི་ཁྱད་པར་བཤད་པར
326b4 བྱ།། འདི་ཡི་གནས་འཛིན་སྤྱོད་པའི་ས།། རྣམ་པ་བཅུ་ཕྲག་གཅིག་གི་རྫོགས།། འགྱུར་དབང་མ་ངེས་ས་འདི་ལ།། བཅོས་མ་ཕྲ་མེན་སྤྱོད་པ་དང་།། ཚུལ་རྟགས་འཛིན་དང་མོས་པ་དང་། དགེ་ལ་འདུན་པའི་རྣལ
326b5 འབྱོར་ལྔ།། འཇུག་ལྡོག་ལྟུང་དང་བཅས་པ་ཡིས། ཀུན་དུ་འཁོར་ཞིང་མ་ངེས་པའོ།། འདུན་པ་སེམས་པའི་རྣལ་འབྱོར་པ།། གནས་ཤིང་སྤྱོད་པའི་ས་ཞེས་བྱ།། བསྟེན་པ་གཞི་ཡི་ས་འདི་ལ། དང་པོ་ལས་ཅན་རྣལ
326b6 འབྱོར་དང་། བསླབ་པ་སྦྱོང་དང་ངེས་པ་ལ།། དག་དང་མ་དག་གིས་སྤྱོད་པའོ།། བཀའ་སྡོད་ལས་ཀྱི་དང་པོ་པ།། གནས་ཤིང་སྤྱོད་པའི་ས་ཞེས་བཤད།། གལ་ཆེན་སྤྱོད་པའི་ས་འདི་ལ།། གནས་ཤིང་སྤྱོད་པའི་ས་ཡིན
iiif viewer powered by OpenSeadragon
